Азиз ва ягонасан, жонажон Ўзбекистоним!

Мустақилликнинг 27 йиллиги ҳамда 2018-2019 ўқув йилининг бошланиши  муносабати билан Хадичаи Кубро аёл-қизлар ўрта махсус ислом билим юртида  «Азиз ва ягонасан, жонажон Ўзбекистоним!» шиори остида тадбир бўлиб ўтди. Тадбирда  билим юрти мударрисалари, ишчи-ходимлари ва барча талабалари иштирок этдилар. Билим юрти мудираси Нозима Ибрагимова сўзга чиқиб, давлатимиз мустақиллигининг 27 йиллиги ҳамда янги ўқув йили  билан  табриклади. Тадбирда меҳмонлардан  ЎМИ раиси ўринбосари Иброҳим Иномов, ЎМИ таълим бўлими бошлиғи ўринбосари, Акбар Дўсматов, Ўзбекистон миллий унверситети профессори  Қурбонов Тўлқин  илиқ тилаклар билдириб, тадбирни очиб бердилар.

Шундан сўнг Ўзбекистон мусулмонлари идораси раиси ўринбосари Иброҳим Иномов ўз нутқларида мамлакатимиздаги диний эркинликлар, барча дин вакилларига бир хил шароитлар яратилгани, аждодларимиз асарларини авлодларга етказиш учун кенг кўламда ишлар олиб бораётгани айтиб ўтилди. Диний соҳада, хусусан,  диний таълим соҳасида эришилган ютуқлар бирма-бир тилга олинди. Хусусан, янги ташкил этилган Ўзбекистон халқаро ислом академияси, илмий мактаблар, таълим муассасаларнинг иш фаолиятларини таъкидлаб ўтдилар.

Тадбир ташкилотчилари 1-курс талабалари бўлиб, улар тадбирни Қуръон тиловати,  гўзал нашидалар ва саҳна кўринишлари билан янада қизғин ўтказдилар.

Шундан сўнг барча талабаларга “Мустақиллик дарси” ўтилди. Дарс олдиндан тайёрланган слайдлар асосида билим юртининг барча курсларига мўлжалланди. Тўпланган устоз ва талабаларга билим юрти мударрисаси Махаррам Қутбиддинова мустақиллик дарсини ўтиб берди. Мамлакатимиз мустақилликни қўлга киритиши учун чеккан заҳматлар, истиқлолнинг илк даврларида вужудга келган қийинчиликларни матонат билан енгиб ўтган халқимиз аҳволи, уларнинг фаровон ҳаёт кечириши йўлидаги заҳматлари мисоллар билан слайдлар асосида ёритилди. Истиқлол  натижасида Ўзбекистон иқтисодий жиҳатдан барқарор давлат даражасига етгани ва дунёда ўз обрўсига эга бўлгани таъкидланди. Охирги йилларда юртимизда амалга оширилган ислоҳотларга алоҳида урғу берилди.

Тадбир ва мустақиллик дарси ЎМИ раиси ўринбосари Иброҳим

Иномов дуолари билан якунланди.

Мулоҳаза билдириш

Your email address will not be published. Required fields are marked *

*