“ХАДИЧАИ КУБРО” АЁЛ-ҚИЗЛАР ЎРТА МАХСУС ИСЛОМ ТАЪЛИМ МУАССАСАСИДА КЎКАЛАМЗОРЛАШТИРИШ ИШЛАРИ

2021 йилнинг 13 март  куни таълим муассасаси ҳудудини ободонлаштириш ва кўкаламзорлаштириш ишлари ташкил этилди.

Хадичаи Кубро аёл-қизлар ўрта махсус ислом таълим муассасасида “Ободонлаштириш ва кўкаламзорлаштириш” ойлиги муносабати билан ҳамда мамлакатимизни янада ободонлаштириш, халқимиз орасида ўзаро меҳр-муҳаббат ва ҳамжиҳатликни янада мустаҳкамлаш, экологик маданиятни юксалтириш мақсадида жорий йилнинг 13 март куни шанбалик ташкил этилди.

Шанбаликда Хадичаи Кубро аёл-қизлар ўрта махсус ислом таълим муассасасининг 25 нафар ўқитувчилари, 15 нафар ишчи-ходимлари ва 115 нафар талабалар (4 нафари сабабли бемор) иштирок этдилар. Улар бирдамликда қуйидаги ишларни амалга ошириш  орқали билим юрти ободончилигига катта ҳисса қўшдилар.

  • Ўқув биносидаги синф хоналари, компьютер, тикувчилик, маъмурий хоналар ва кутубхона тозаланди, ойналари артилди, тувакдаги гулларнинг тупроқлари юмшатилди;
  • Ётоқхона ойналари тозаланиб, санитарик ҳолати яхшиланди;
  • Таълим муассасаси ташқариси супуриб тозаланди;
  • Ошхона ва спорт зал исланди, гиламлар чанг ютгичда тозаланди ва умумий тозаланди;
  • Таҳоратхона ва иситиш хонаси тозалаб, поллари ювиб чиқилди;
  • Таълим муассаса ҳовлиси тозаланди ва ободонлаштирилди;
  • Катта ва кичик омборхоналар тозаланди ва тартибга келтирилди.

 

   Маънавий-маърифий ишлар

бўйича директор ўринбосари

 Зайнаб Комилжонова

Мулоҳаза билдириш

Your email address will not be published. Required fields are marked *

*