"Xadichai Kubro" ayol-qizlar o‘rta maxsus islom ta'lim muassasasida "Qur'oni Karim va tajvid" kursi tinglovchilarining bitiruv tadbirlari bo‘lib o‘tdi

Ushbu kurs Oktyabr-Yanvar oylarida davom etgan bo‘lib, bu vaqt mobaynida tinglovchilar arab tili harflari, harf maxrajlari hamda Qur'oni Karim, tajvid qoidalaridan tahsil olishdi.
 

Bayramona kayfiyatda bezatilgan xona, ushbu bitiruv marosimaga o‘zgacha kayfiyat bag‘ishladi. An'anaviy bezaklardan tashqari doskaga bitilgan “Ustozimga o‘xshagim kelar” degan so‘zlar, ustozlik kasbi bilan shug'ullanuvchi har qanday inson qalbiga iliqlik va faxr uyg'otadi.

Ancha yillik tajribaga ega ustoz M.Salimovaga ushbu kursni tamomlagandan so‘ng kurs bitiruvchilari rejalari bilan tanishdilar ularga go‘zal maslahatlar yo‘l-yo'riqlar ko'rsatdilar.
Tinglovchilar “Qur'oni Karim va tajvid kursi” uslubchisi Dildora Mirahmedovadan  "Qur'oni Karim va tajvid kursi" ni tamomlaganliklari haqidagi hujjatlarni qo‘llariga olishar ekan  ushbu kun ularning hayotlaridagi unutilmas bir sahifa bo‘lib qoldi.

Tinglovchilar madrasamizda "Qur'oni Karim va tajvid" kursini tamomlashar ekan, O‘zbekiston musulmonlari idorasiga, ta'lim muassasasi xodimlari hamda Qur'oni Karimdan dars bergan ustozlariga o‘zlarining samimiy tilaklarini bildirishdi

"Xadichai Kubro" ayol-qizlar o‘rta maxsus islom ta'lim muassasasi matbuot xizmati