15.03.2023
173

ONA SUTI VA TARBIYA

Ona farzand uchun ham enaga, ham tarbiyachi, ham yo'l ko'rsatuvchidir. U go'dak bolaning tarbiyasi, jismining sog'ligi, qalbining pokligi va ma'naviyatining butun bo'lishida birinchi mas'ul shaxsdir. Ona o'z farzandini oilaviy va ijtimoiy hayotga tayyorlaydi. Ta'lim tarbiya berishda onalarning e'tibori bois farzandlar kamol topadi.
Xalqimizda "Sut bilan kirgan - jon bilan chiqadi", "Beshikda tekkan, kafanda ketar" degan hikmatli so'zlar bor. Mana shu va shunga o'xshash hikmatli so'zlar zamirida onalar emizish davrida o'zlarining odob-axloqiga ko'proq ahamiyat qaratishlari lozimligiga undash bordir. Ona o'z bolasini ko'ksidan sut berib, hayotga tayyorlaydi.Demak, bu jarayonda ona o'zini ehtiyot qilishi, taqvo yo'lini yanada mahkam tutishi, zikr-tasbeh duolar bilan bolasini emizishga harakat qilishi lozim. Farzand tarbiyasida sut emish davrining alohida ahamiyati bor. Chunki u bolaning jisman va ruhan shakllanish davridir. Ana shu davr tarbiyasi bolalarning sog'lom bo'lishida tamal toshi hisoblanadi. Tarbiyali farzandgina ota va onasiga haqiqiy ko'z quvonchi va dunyo hayotining ziynati bo'ladi.
Abdulloh ibn Umar roziyallohu anhudan rivoyat qilinadi: Rosululloh sollallohu alayhi vasallam: "Har biringiz javobgarsiz va qo'l ostidagilarga mas'uldirsiz. Imom javobgardir va qo'l ostidagilarga mas'uldir. Er o'z ahliga javobgardir va qo'l ostidagilarga mas'uldir. Ayol erining uyiga va bolalari uchun javobgardir va qo'l ostidagilarga mas'uldir. Xodim xojasining mol-mulkiga javobgardir va qo'l ostidagilarga mas'uldir", - dedilar". Tug'ilgan farzand uchun oila bir maktab, ota-ona bolaning birinchi muallimidir. Aynan shu oila maktabi jamiyatning barqarorligi, tinchligi, taraqqiyotini ta'minlaydi. Yoshlarning har tomonlama komil, ma'naviyatli, odob-axloqli bo'lib ulg'ayishlari oilaga bog'liqdir. Oilada komil tarbiya ko'rgan bola hamma joyda o'z o'rnini topadi. Ota-onasiga rahmatlar oladi.
Alloh taolo har bir oilada bolalarning sog'lom, odob-axloq bilan ziynatlagan, ko'z quvonchi bo'lib ulg'ayishini nasib aylasin!

Manbalar asosida 3-kurs talabasi Axmadxonova Soliha tayyorladi
Mas'ul ustoz: Qutbiddinova Muharram.

Другие новости

ODAM GO‘SHTI
06.12.2023 97
Oqila ismi jismiga mos qiz. Uning tarbiyasi va odobida oilasining ahamiyati katta. Keksa bobosi har doim nabiralarining tarbiyasi va xulqi uchun o’zi jon kuydiradi. Bu oilada barcha nabiralarning qiziqish va...
Подробнее
YAXSHILIK YO‘LIDA HAMKORLIK
19.11.2023 118
#Ibrat_vaqti#Hikoyalarda_aks_etgan_oyatlarErta bahor. Asr vaqti. Havo salqin. Quyosh gohida iliqqina nur sochadi. Gohida esa bulutlar ortiga kirib ketadiyu go’yoki chelaklab ko’z yosh to’kadi. Zum o’tmasdan huddi arazlari tarqab ketgan go’dakdek bulutlar...
Подробнее
NE‘MATLARDAN SO‘RALISH BOR
07.11.2023 112
#Ibrat_vaqti#Hikoyalarda_aks_etgan_oyatlar Tun. Atrof qorong‘u. Kichkina ixcham hovlining peshayvonini lippillab turgan birgina xira chiroq yoritib turibdi. Mo‘jazgina gulzorga ekilgan anvoyi gullarning hidi atrofni qamrab olgan. Namozshom vaqtida gulzorga oqizib qo‘yilgan suvning...
Подробнее
Мы в соц сетях

Наши контакты

Телефон: +998 (71) 248-47-52
E-mail: xadichai-kubro@umail.uz
Адрес: Toshkent shahar, Olmazor tumani, Fayziobod ko'chasi, 1-uy
©2024 All Rights Reserved. This template is made with by Cherry