Jarayon

Jarayon

Xalqimizning islom diniga bo‘lgan ishtiyoqini inobatga olib, diniy bilim yurtlarida pullik o‘quv kurslarining ochilishi talabga nisbatan munosib taklif bo‘ldi. Natijada yoshlarimiz sof diniy bilimlarni soha mutaxassisidan olishlari, ularning turli ekstremistik oqim vakillari to‘riga to‘shib qolish xavfi oldi olindi.

Allohga beadad shukrlar bo‘lsin-ki, Prezidentimiz SHavkat Mirziyoev tomonidan diniy sohada amalga oshirilayotgan islohotlar natijasida diniy ta’lim muassasalari o‘quvchilarining soni ko‘paytirildi. SHu bilan birga, islom bilim yurtlari, «Arab tili» pullik kurslarning ochilishi, shuningdek unda Qur’oni karim va tajvid ilmlarining o‘rgatilishi halqimiz orziqib kutgan ne’matdir.

Pullik o‘quv kursida tinglovchilarga «Ustozi avval», «Mabdal qiroat» darsliklaridan interfaol usullardan foydalangan holda dars o‘tiladi. O‘quv mashg‘ulotida arab harflari, tajvid qoidalari harflarni mahrajdan chiqarish usullari, Qur’oni karimning 30-porasidagi suralardan mutoala qilish o‘rgatiladi.