11.04.2023
169

Farzand tarbiyalashda imon tarbiyasining o'rni

 
Farzandga imon tarbiyasini berish bu kelajakda uni vijdonli, e’tiqodli, Vataniga, diniga, millatiga, qadryatlariga sodiq inson etib kamolga yetkazishdur. Bolaning yoshi, aqlu idroki, qobiliyatlariga mos ravishda  imon asoslari, muqaddas dinimiz arkonlari haqida tushunchalar berib borish, tarbiyalash lozim. Shunda farzand hayoti davomida turli buzg’unchi aqidalarga chalg’imaydi, din dushmanlari ta’siriga tushmaydi, e’tiqodsiz loqaydga aylanmaydi.
Bola ongida Alloh, payg’ambarimiz( sollolohu alayhi va sallam), farishtalar va ohirat dunyosi haqida dastlabki tasavvurlarni shakllantirish kerak. Oilada musulmonchilikka ta'aluqli  qadriyatlar haqida boshlang’ich ma'lumotlarni o’rgatishni boshlash lozim. Bu borada payg’ambarimiz (sollolohu alayhi va sallam) nasihatlariga quloq tutmoq  eng to’g’ri yo’ldur. Imom Xokim Abdulloh ibn Abbosdan (roziyallohu anhu) rivoyat qilgan hadisda  Payg’ambarimiz (sollollohu alayhi vassallam) “Bolalaringiz tilini  avval “La ilaha ilolloh” kalimasi bilan chiqaringlar”, deb marhamat qilganlar. Go’dakning dastlabki so’zi Allohning ismi bo’lishi muborak kalima uning tiliga, diliga muxrlanishi uchun tamal toshi qo’yilishidur.
Shu o’rinda bir og’riqli  masalaga ham to’htalib o’tamiz: bugun ayrim bolalarimiz  g’arbdagi qo’shiqchi, san'atkor, sportchi yoki boshqa shaxslarning tarixini, turmush tarzini, hayotini, hatto nimani yaxshi ko’rib, nimani yomon ko’rishigacha biladi. Ammo o’z millatining qahramonlari, ulug’ ajdodlari  haqida bilmaydi. Bazi yigitlar hatto balog’at yoshiga yetib oila quradigan davrida ham imon kalimasini ayta olmasligi kishini tashvishga soladi. Payg’ambarimiz (sollollohu alayhi vassallam) muborak hadislarida: “har bir tug’ilgan go'dak sof fitratda tug’iladi. Keyin uni ota onasi yo yahudiy qiladi, yo nasroniy qiladi, yo majusiy qiladi”, deb marhamat qilganlar.
Imon tarbiyasining yana bir qirrasi farzandga halol  bilan haromning farqini o’rgatib bormoqlikdur.
Shuningdek hozirgi kunda axborot texnologiyalari taraqqiy etgan bir davrda farzandlarimizga foyda-zarar, savob-gunoh, kerak-nokerak, ishlar haqida yaxshilab ta’lim berish kerak. Axborot-kompyuter  tehnikalarining ilmga, taraqqiyotga qanchalik manfaati borligi hammaga ayon. Ammo tanganing ikki tomoni bo’lganidek, bolalarning milliy qadriyatlarimizga , dinimizga yot bo’lgan, odamda yovuzlik, vaxshiylik sifatlarini shakllantiruvchi turli xil bemani dastur va behuda o’yinlar bilan vaqtlarini o’tkazayotgani achinarlidir. Ota-onalar, ta’lim-tarbiya ishiga mutasaddi bo’lgan shaxslar beparvoligi oqibatida farzandlar xudbin, hissiyotlari yo'q unsurga aylanishi mumkin. Bolalarga yoshligidan imon tarbiyasi berib borilsa, ular diniga, millatiga xos bo’lmagan ishlar va ularning oqibatlari haqida bilib ulg’aysalar, albatta bu jamiyat uchun ham manfaatli ish bo’ladi.

Tayyorladi: 3-kurs talabasi Axmadxonova S.
Mas'ul ustoz: Qutbiddinova M.

Другие новости

ODAM GO‘SHTI
06.12.2023 97
Oqila ismi jismiga mos qiz. Uning tarbiyasi va odobida oilasining ahamiyati katta. Keksa bobosi har doim nabiralarining tarbiyasi va xulqi uchun o’zi jon kuydiradi. Bu oilada barcha nabiralarning qiziqish va...
Подробнее
YAXSHILIK YO‘LIDA HAMKORLIK
19.11.2023 118
#Ibrat_vaqti#Hikoyalarda_aks_etgan_oyatlarErta bahor. Asr vaqti. Havo salqin. Quyosh gohida iliqqina nur sochadi. Gohida esa bulutlar ortiga kirib ketadiyu go’yoki chelaklab ko’z yosh to’kadi. Zum o’tmasdan huddi arazlari tarqab ketgan go’dakdek bulutlar...
Подробнее
NE‘MATLARDAN SO‘RALISH BOR
07.11.2023 112
#Ibrat_vaqti#Hikoyalarda_aks_etgan_oyatlar Tun. Atrof qorong‘u. Kichkina ixcham hovlining peshayvonini lippillab turgan birgina xira chiroq yoritib turibdi. Mo‘jazgina gulzorga ekilgan anvoyi gullarning hidi atrofni qamrab olgan. Namozshom vaqtida gulzorga oqizib qo‘yilgan suvning...
Подробнее
Мы в соц сетях

Наши контакты

Телефон: +998 (71) 248-47-52
E-mail: xadichai-kubro@umail.uz
Адрес: Toshkent shahar, Olmazor tumani, Fayziobod ko'chasi, 1-uy
©2024 All Rights Reserved. This template is made with by Cherry