Xatmul - kutub. Kitobxonlik an‘anasi

“Xadichai Kubro” ayol-qizlar islom ta‘lim muassasasining ustoz va hodimalari “Xatmul kutub” an'anasiga muvofiq Muhtarama Odinaxon Muhammad Sodiq  ustozamiz boshchiliklarida bir necha mo‘tabar manbaalarni o‘qib tugatdilar.Ta‘lim muassasamizning 20 dan ziyod ustoz va hodimalariga joriy yilning 19-yanvar sanasida Mulla Alliyul Qoriyning "Hizbul A‘zam" kitobi bo‘yicha ijozalar taqdim qilindi. Hadis va Arab tili o'qituvchilari Muhtarama Odinaxon Muhammad Sodiq ustozamizga Imom Navaviyning "Qirq hadis" kitoblarida keltirilgan hadislarni yodlab topshirdilar. Shu bilan bir qatorda Rasululloh sollallohu alayhi vasallamning sharaflariga atab yozilgan mashhur Imom Busiriyning "Burda Qasidasi" kitobini ham o‘qib tugatib, ushbu mo‘tabar manbaalardan ham ijoza olish baxtiga sazovor bo‘ldilar.

Ayni damda ta‘lim muassasasi ustozlari Muxtarama Odinaxon Muhammad Sodiq ustozamiz boshchiliklarida Xatmul kutub ananasini muntazam davom ettirish maqsadida, fiqh ilmida mo‘tabar manbalardan bo‘lgan Imom Sodrush-Shar‘iya Ubaydulloh ibn Mas‘ud al Buxoriyning "Nuqoya Muxtasari Viqoya " kitobi va shu bilan bir qatorda Aqida ilmi bo‘yicha Imom A‘zamninig "Fiqhul Akbar" kitoblarining mashhur sharhlaridan biri bo'lmish "Al Badrul Anvor" asari  mutolaa qilinib, sharhlab kelinmoqda. Madrsamiz jamoasi ushbu darslardan juda ko'plab foydalar olmoqdalar. Joriy o‘quv yilining so‘ngiga qadar ushbu kitoblarni ham o‘qib tugatib, ijozlar olish rejalashtirilmoqda . Shunday hayrli ishlarni yo‘lga qo‘ygan ta‘lim muassasasi rahbariyatiga va qimmatli vaqtlarini ayamay bizlarga ilm berib kelayotgan Odinaxon Muhammad Sodiq ustozamizga o‘z minnatdorchiligimizni bildiramiz! Ta‘lim muassasamiz jamoasiga ilm yo'lidagi ishlarida muvaffaqiyatlar tilab qolamiz.

“Xadichai Kubro” ayol-qizlar islom ta‘lim muassasasi hadis fani o'qituvchisi J.Jamol qizi