" Barchasi o‘z qo‘lingda " shiori ostida targ‘ibot dekadalari.

#tashrif
#hayriya

✅ "Xadichai Kubro" ayol-qizlar o‘rta maxsus islom ta'lim muassasasida “Barchasi o‘z qo‘lingda” shiori ostida targ‘ibot dekadalari doirasida tashrif tashkil etish. 

✍️Joriy yilning 17-fevral kuni “Xadichai Kubro” ayol–qizlar oʻrta maxsus  islom taʼlim muassasasi oʻqituvchi, xodim,  talaba qizlari hamda Xalqaro Islom akademiyasi 2-kurs amaliyotchi talabalari tashabbusi bilan Toshkent shahrining Olmazor tumanida joylashgan 36-imkoniyati cheklangan bolalar maktabiga ta’lim muassasaning talabalari qo‘l mehnati yordamida tayyorlangan yeguliklari bilan xayriya dasturxonini yozish uchun tashrif buyurildi. Tashrif davomida koʻzlarida mehr toʻla boʻlgan bolajonlar bilan ta’lim muassasasi jamoasi va amaliyotchi talabalar qisqa boʻlsada suhbatlashishdi va ularni yarim ko‘ngillariga oz bo‘lsada quvonch ulashishdi. Bu ularning porlab turgan ko’zlaridan sezilar edi. 
Alisher Navoiy taʼbiri bilan aytganda: "Bir koʻngilni obod qilmoq, kaʼbani obod qilmoq bilan barobardir". 
Ushbu hikmatli soʻz bugun isbotini topdik desak, mubolag‘a boʻlmas. Zotan inson yashar ekan oʻzini kerakli his qilish bu katta baxt demakdir. Zero bu koʻngilida kemtigi bor bolajonlar nafaqat oilasiga balki oʻzga insonlarga ham qadrli ekanliklarini his qilishgan bo‘lsa ajab emas.

📚 Yoshlar bilan ishlash, ma’naviyat va ma’rifat bo‘limi.

Telegram 🕊| Instagram
Facebook | Youtube