12.03.2021
36

Таълим муассасаси

Таълим муассаса тарихи

“Хадичаи Кубро” аёл-қизлар ўрта махсус ислом таълим муассасаси даставвал 1993 йилда Мовароуннаҳр мусулмонлари диний бошқармаси идораси «Эшон Бобохон» номи остида ўз фаолиятини бошлаган. Таълим муассасасига 1998-йилда Ўзбекистон мусулмонлари идораси бўйруғига асосан «Хадичаи Кубро» номи берилди.

Таълим муассасаси Ўзбекистон Республикаси Адлия вазирлиги томонидан рўйхатга олиниб, унда Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг рухсатномаси билан диний ва умумтаълим фанлари уйғунлигида таълим берилади.

Таълим муассасасининг мақсади «Таълим тўғрисида»ги Қонун ва таълим соҳасидаги давлат сиёсатининг асосий принципларига таянган ҳолда, динлар тарихи ва назариясини чуқур эгаллаган, ислом дини асосларини ўзлаштирган, инсонпарварлик, халқпарварлик, Ватанга садоқат руҳида тарбияланган, ўрта махсус маълумотли исломшунос мударрисалар, араб тили мураббияси, диний маърифий ва маънавий-аҳлоқий тарбия масалалари бўйича маслаҳатчи лавозимларида ишлаш учун мутахассислар тайёрлашдан иборатдир.

Шу кунга қадар таълим муассасаси 700 га яқин битирувчиларни етиштириб чиқарган бўлиб, улар юртимизнинг турли жабҳаларида фаолият юритмоқдалар. Масалан, маҳалла ўзини-ўзи бошқариш органлари, туман ҳокимиятларида ҳотин-қизлар масалалари бўйича маслаҳатчи, Ўзбекистон мусулмонлари идорасининг вилоят ва туманлардаги вакилликларида аёл-қизлар масалалари бўйича маслаҳатчи, унинг ёрдамчилари лавозимларида фаолият юритмоқдалар. Шунингдек, Тошкент ислом институти, Тошкент ислом университети, Тошкент Давлат Шарқшунослик институти ва Тошкент Давлат Педагогика Университети каби олий таълим муассасаларида илмий фаолиятини давом эттирмоқдалар.

Таълим муассасаси ўз фаолиятини Ўзбекистон Республикасининг Конституцияси, «Виждон эркинлиги ва диний ташкилотлар ва таълим тўғрисида»ги қонун ҳужжатлари, Ўзбекистон мусулмонлари идораси қарор ва кўрсатмалари асосида олиб боради.

Таълим муассасасида етакчи ва катта ўқитувчилар, фан номзодлари ҳамда олий маълумотли 30 га яқин устозлар дарс берадилар. Таълим муассасаси ўқитувчилари Тошкент ислом университети, Тошкент ислом институти ҳамда «Авлоний» номидаги қайта тайёрлаш марказларида мунтазам равишда ўз малакаларини ошириб бормоқдалар.

Таълим муассасасида ўқиш муддати 3 йил бўлиб, 2017 йилда аёл-қизлар таълим муасасалари учун ўқув режалар такомиллштирилди. Унга кўра, аёл-қизларни жамиятдаги интеграциялашувини ошириш максадида диний-махсус фанлар тизимида ижтимоий-гуманитар фанлар бўйича соатлар кўпайтирилди. Жумладан, фуқароларнинг ўзини-ўзи бошқариш органлари ҳуқуқий асослари, оила ҳуқуқи, оила психиологияси, ёш физиологияси ва гигиенаси, маънавий-маърифий ишларни ташкил этиш методикаси каби янги фанлар киритилди.

Таълим муассасасида талабаларнинг етук мутахассис кадрлар бўлиб етишиши учун касбий ва фан тўгараклари фаолияти жадаллаштирилди. Хусусан, араб тили, хатоба, ақоид, ҳадис ва информатика каби фан тўгараклари олиб борилмоқда. Қизларни оилага тайёрлаш, қўшимча ҳунар ўргатиш мақсадида тикувчилик, тўқувчилик ва ошпазлик тўгараклари жорий этилган. 2017-2018 ўқув йилидан Қуръони каримни ёдлаш ва қироат қилиш иқтидорига эга талабалар учун 10 йил давомида фаолият олиб борилаётган «Қориялар тўгараги» – «Таҳфизул-Қуръон» номи остида янада такомиллаштирилмоқда.

“Хадичаи Кубро” аёл-қизлар ўрта махсус ислом таълим муассасаси диний таълим фаолиятини олиб бориш учун зарур шароитлар ва моддий техник базага эга. Таълим муассасаси фаолияти Ўзбекистон мусулмонлари идорасининг Махсус жамғармаси ва талабалар билан тузилган шартномалар асосида тушган маблағлардан молиялаштирилади.

Другие новости

Ахборот ресурс маркази
12.03.2021 30
Ахборот ресурс маркази ҳақидаАхборот ресурс маркази(АРМ) ўз меҳнат фаолиятини «Кадрлар тайёрлаш миллий дастури», Ўзбекистон Республикаси Президентининг «Республика аҳолисини ахборот-кутубхона билан таъминлашни ташкил этиш тўғрисидаги» 2007 йил 20 июндаги ПК-381-cонли қарори...
Подробнее
Таълим муассасаси тузилиши
12.03.2021 25
ТузилмаНозима Ибрагимова – Тарих фанлари бўйича фалсафа доктори (PhD)Зайнаб Комилжонова – Маънавий маърифий ишлар бўйича директор ўринбосариМуаттар Воҳидова – Ўқув ишлари бўйича директор ўринбосари в.бТаълим муассаса биноси: ўқув биноси, маъмурий...
Подробнее

Оставить комментарий

Комментарии

19.01.2022 11:30
Ассалому алайкум мен хадича куброда окимочиман 9 синифди битириган кизларни хам кабул киласзларми
12.03.2021 11:21
Ажиб
12.03.2021 11:05
Ажиб
Мы в соц сетях

Наши контакты

Телефон: +998 (71) 299-24-11
E-mail: xadichai-kubro@umail.uz
Адрес: Тошкент шаҳри Учтепа тумани Ўрикзор даҳаси Зарафшон кўчаси 15-уй.
©2022 All Rights Reserved. This template is made with by Cherry