“21 MART – Navro’z BAYRAMI” TADBIRI

XADICHAI KUBRO AYOL-QIZLAR O’RTA MAXSUS ISLOM TA’LIM MUASSASASIDA “21 MART – Navro’z BAYRAMI” TADBIRI

Xadichai Kubro ayol-qizlar o’rta maxsus islom ta’lim muassasasida “21 mart – Navro’z bayrami”munosabati bilan “Osh sayli” tadbiri tashkil etildi.

Joriy yilning 17 mart kuni 3-kurs talabalari ishtirokida “21 mart – Navro’z bayrami” munosabati bilan “Osh sayli” tadbiri tashkil etildi. “Osh sayli” bilan boshlangan tadbirning birinchi qismida 4 ta kurs o’zaro “Eng yaxshi osh tayyorlash” bo’yicha bellashdilar. Musobaqada osh tayyorlashdan tashqari bahoriy salat va ko’k somsalarni tugish shartlari ham bo’lib, hay’at a’zolari ozodalikka rioya etish, stol bezatish, somsa tugilishi va mazasi, salatlar ta’mi hamda eng asosiysi osh va uning mazasi, osh taomiga qo’yiladigan talablar asosida barcha kurslarni baholadilar. Natijada eng yuqori ball bilan 3-kurs talabalari ya’ni “Zamonaviy kelinlar” jamoasi 1-o’rinni egalladi. Tadbirning ikkinchi ya’ni badiiy qismi Qur’on tilovati bilan boshlandi. Tadbirni ta’lim muassasasi direktori N.Ibragimova ochib  berdilar. 

Tadbir ko’tarinki kayfiyatda, nashidalar, savol-javoblar, turli bellashuvlar bilan davom etdi.  Ayniqsa, ta’lim muassasasi jamoasi uchun yozilgan dasturxon va undagi noz-ne’matlar tadbirga o’zgacha shukuh baxsh etdi. Shunigdek, tadbirga alohida kayfiyat bag’ishlagan milliy an’analarimizdan sanalmish sovchilikka oid sahna ko’rinishi barchada o’zgacha taassurot qoldirdi. Bu tadbirdan barcha birdek mamnun bo’ldi.

Maʼnaviy-maʼrifiy ishlar boʻyicha

 direktor oʻrinbosari  Z.Komiljonova