“XADICHAI KUBRO” AYOL-QIZLAR O’RTA MAXSUS ISLOM TA’LIM MUASSASASIDA “QUR’ON MUSOBAQASI - 2022”

“XADICHAI KUBRO” AYOL-QIZLAR O’RTA MAXSUS ISLOM TA’LIM MUASSASASIDA “QUR’ON MUSOBAQASI - 2022”

“Xadichai Kubro” ayol-qizlar o’rta maxsus islom ta’lim muassasasida “Qur’on musobaqasi - 2022” bo’lib o’tdi.

Joriy yilning 2 aprel kuni Qur’on fani ustozi G.Kenjaboy boshchiligida “Qur’on musobaqasi - 2022” tashkil etildi. Musobaqa 3 yo’nalishda  - 1. Murattaba yo’nalishi (30 poralik), 2. Murattaba yo’nalishi (15 poralik), 3. Mujavvada yo’nalishi bo’yicha jami 14 ta ishtirokchi talaba qizlar o’rtasida bo’lib o’tdi. 

 Hay’at a’zolari Imom al-Buxoriy nomli Toshkent islom institute “Tahfizul Qur’on” bo’limi kafedra mudiri Jahongir qori Ne’matov, shu kafedra ustozlari – Valixon qori Azimboyev, Zafar qori Maxmudov, Farxod domla Jo’rayevlar har bir ishtirokchini 100 ballik tizimda sovt, hifz, tajvid, tarannum kabi jihatlarga ko’ra baholadilar.

Natijaga ko’ra, mujavvada yo’nalishi bo’yicha 1-o’rin sohibasi 1-kurs talabasi Mohro’ya Abdurahmonova, murattaba yo’nalishi (15 poralik) bo’yicha 1-o’rin sohibasi 3-kurs talabasi Husniya Muhammadnazirova, murattaba yo’nalishi (30 poralik) bo’yicha 1-o’rin sohibasi 4-kurs talabasi Xo’jayor Aminalar g’olib deb topildilar va faxriy yorliq hamda esdalik sovg’alari topshirildi. Tadbir so’ngida Qu’ronni jamlash bo’yicha bir qancha taalabalar “Xadichai Kubro”, “Oishai Siddiqa” va “Fotimai Zahro” kabi nomdor faxriy yorliqlar va sovg’alar bilan taqdirlandilar. Qur’on tilovati bilan boshlangan musobaqa tadbiri Qur’on tilovati, ustoz va faxriy ustozlarning nasihat va maslahatlari, samimiy tilak va duoyi fotihalari bilan yakunlandi. 

Maʼnaviy-maʼrifiy ishlar boʻyicha

 direktor oʻrinbosari  Z.Komiljonova