"Ramazon shukuhi"

“XADICHAI KUBRO” AYOL-QIZLAR OʻRTA MAXSUS 

ISLOM TAʼLIM MUASSASASIDA RAMAZON SHUKUHI

    Xadichai Kubro ayol-qizlar oʻrta maxsus islom taʼlim muassasasida muborak  Ramazon oyi kirib kelishi munosabati bilan turli talabalar ijodiy burchaklari tashkil etildi. Ushbu burchaklardan birida kun hadisi, kun hikmati, kun sunnati kabi ruknlardan iborat turli ijod namunalari o’rin olgan bo’lib, talabalar uchun bu namunalar foydali eslatma bo’lib xizmat qilmoqda. Shuningdek, Ramazon kundaligi deb nomlangan ikkinchi ijodiy burchakda ramazonning 30 kuniga mo’ljallangan, kunlik va o’qilishida ajru savob bo’lgan zikr hamda duolar yozib solib qo’yilgan duo qopchasi ilingan. Talabalar va ustoz-hodimalar bu duolarni dam-badam o’qib birdek mamnun bo’lmoqdalar. Ramazon oyi munosabati bilan yasatilgan bezaklar va ijodiy burchaklar ta’lim muassasasiga o’zgacha fayz, shukuh va kayfiyat bag’ishlamoqda.

      Maʼnaviy-maʼrifiy ishlar 

boʻyicha direktor oʻrinbosari

 Zaynab Komiljonova