TALABALAR MANBALAR XAZINASIDA

“XADICHAI KUBRO” AYOL-QIZLAR O'RTA MAXSUS

ISLOM TA'LIM MUASSASASI TALABALARI MANBALAR XAZINASIDA

Xadichai Kubro ayol-qizlar o'rta maxsus islom ta'lim muassasasi talabalari O’zXIA manbalar xazinasiga tashrif buyurdilar

Joriy yilning 18 may kuni ta'lim muassasasi 3-kurs talaba qizlari bilan ma’naviy-ma’rifiy ishlar bo’yicha direktor o’rinbosari Z.Komiljonova boshchiligida O’zbekiston xalqaro islom akademiyasining Manbalar xazinasiga tashrif buyurildi.

Talaba qizlar qo’lyozmalar va yangi nashr arabiy manbalariga sayohat chog'ida qo’lyozma va toshbosmaning farqi, qog’ozning paydo bo’lishidan boshlab ularning takomillashuvi, Samarqand va qo’qon qog’ozlari, ularning tarixi, farqi, qo’lyozma manbalardagi suv belgilari, abri bahor kabi ma’lumotlarni manbalar xazinasi xodimi, mutaxassis lobar Asrorovadan bilib oldilar. Shuningdek, mazkur manbalar xazinasida saqlanayotgan echki va kiyik terisiga ko’chirilgan mashhur “Usmon musxafi”ning nusxasi bilan ham tanishdilar. Ayniqsa, yangi arabiy nashrlarning turli mavzuga oid to’plamlari talaba qizlarda alohida qiziqish uyg’otdi. Sayohat juda foydali va mazmunli bo'ldi.

Ma'naviy-ma'rifiy ishlar bo'yicha

 direktor o'rinbosari  Z.Komiljonova