MUASSASA TALABALARI MAKTAB INTERNATIDA

“XADICHAI KUBRO” AYOL-QIZLAR O'RTA MAXSUS

ISLOM TA'LIM MUASSASASI TALABALARI MAKTAB INTERNATIDA

Xadichai Kubro ayol-qizlar o'rta maxsus islom ta'lim muassasasi talabalari 77-sonli maktab internatiga tashrif buyurdilar

Joriy yilning 16 may kuni ta'lim muassasasi 3-kurs talaba qizlari bilan o’qituvchi J.Gaipova va I.Nurmuhammedovalar boshchiligida 77-sonli ko’zi ojizlar maktab  internatiga tashrif buyurildi.

 Tashrif chog’ida maktabning bitiruvchi talaba qizlari bilan davra suhbati tashkil etildi. Suhbatda madrasa talabalari va o’quvchilar o’zaro fikr almashdilar hamda maktab o’quvchilari o’zlarining turli salovot, nashida va she’rlari bilan madrasa talaba va o’qituvchilarini bahramand etdilar. Ularning Qur’oni karim oyatlaridan qilib bergan tilovatlari ayniqsa qalblarda o’zgacha taassurot qoldirdi. Suhbat so’ngida maktab o’quvchilariga atalgan esdalik sovg’alari topshirildi. Ushbu tashrif va davra suhbati ikki muassasa bitiruvchilari uchun ham manfaatli va  maroqli bo’ldi.

Ma'naviy-ma'rifiy ishlar bo'yicha

 direktor o'rinbosari  Z.Komiljonova