“1 OKTABR - USTOZ VA MURABBIYLAR KUNI” MUNOSABATI BILAN BAYRAM TADBIRI

"Xadichai Kubro” ayol-qizlar o‘rta maxsus islom ta’lim muassasasida “1 oktabr - Ustoz va murabbiylar kuni” munosabati bilan bayram tadbiri tashkil etildi.

Joriy yilning 29 sentabr kuni “Xadichai Kubro” ayol-qizlar o‘rta maxsus islom ta’lim muassasasida “1 oktabr - Ustoz va murabbiylar kuni” munosabati bilan “Qalbimizdasiz aziz ustozlar”deb nomlangan bayram tadbiri tashkil etildi. 
Tadbir Qur’on tilovati bilan boshlandi. Suhbatni ta’lim muassasasi direktori N.Ibragimova ochiq deb e’lon qilgandan so‘ng, tabrik navbati ta’lim muassasasining faxriy ustozlaridan “Qur’oni karim va tajvid” fani ustozi Qurbonova Gulobod ustozga berildi. Faxriy mehmonimiz o‘zlarining iliq va samimiy tilak va tabriklarini bildirib tadbirga o‘zgacha kayfiyat baxsh etdilar. Suhbat davomida talaba qizlar tomonidan tayyorlangan sahna ko‘rinishi, nashidalar ham ijro etildi. Ayniqsa, ijodiy yondashuv asosida tayyorlangan har bir ustozga atlagan tabrik videoroligi madrasa ustoz va xodimlarini ruhalntirib yubordi. Bundan tashqari ta’lim muassasasi rahbariyati tamonidan 2022-2023 o‘quv yilida talabalikka tavsiya etilgan 1-kurs talabalari estalik sovg‘alari bilan mukofotlandi.  
Bayram suhbati so‘ngida talabalar tomonidan ustoz va xodimalarga bayram esdalik sovg‘alari va gular ulashildi, so‘ng bayram dasturxoniga taklif etildi. 
Bu davra suhbati barchaning yodida o‘zgacha taassurot qoldirdi. Barcha xursand holda faxriy ustozlardan duo olib tadbirdan mamnun holda chiqdilar. Bu bayram unutilmas xotira sifatida barchaning yodiga muxrlandi.

Matbuot xizmati