"XADICHAI KUBRO" AYOL-QIZLAR O‘RTA MAXSUS ISLOM TA‘LIM MUASSASASI O‘QITUVCHI-XODIMLARI VA TALABALARI TAQDIRLANDI

"XADICHAI KUBRO" AYOL-QIZLAR O‘RTA MAXSUS ISLOM TA‘LIM MUASSASASI O‘QITUVCHI-XODIMLARI VA TALABALARI TAQDIRLANDI

Vaqf xayriya jamoat fondi tomonidan "Xadichai Kubro " ayol-qizlar o'rta maxsus islom ta’lim muassasasi o‘qituvchilari, xodimalari va talabalariga pul mablag‘lari topshirildi.
Joriy yilning 6 mart kuni O‘zbekiston musulmonlari idorasi majlislar zalida Vaqf xayriya jamoat fondi tomonidan Toshkent islom instituti va o‘rta maxsus islom ta’lim muassasalari o‘qituvchi va talabalari hamda masjid imom-xatiblarining olib borayotgan faoliyatlarini munosib rag‘batlantirish maqsadida xayriya tadbiri o‘tkazildi.
Tadbirda Din ishlari bo‘yicha qo‘mita raisining birinchi o‘rinbosari Davronbek Maqsudov, O‘MI raisi, muftiy Nuriddin domla Xoliqnazarov, O‘MI raisi o‘rinbosari Jaloliddin domla Hamroqulov, Vaqf fondi boshqaruvi rahbari Ziyovuddin Mirsodiqov, O‘MIning viloyatlardagi vakillari, oliy va o‘rta maxsus islom ta’lim muassaalari rahbarlari va "Xadichai Kubro" ayol-qizlar o‘rta maxsus islom ta’lim muassasasi direktori Nozima Ibragimova, bir guruh o‘qituvchilar, xodimalar va talabalar ishtirok etdilar.
Tizimda fidoyilik bilan mehnat qilib kelayotgan bir guruh o‘qituvchilar, talabalar hamda imom-xatiblar bir martalik pul mablag‘lari bilan rag‘batlantirildi.
Shu jumladan “Xadichai Kubro ” ayol-qizlar  o‘rta maxsus islom ta’lim muassasasidan   Qur‘oni Karim va tajvid fani o‘qituvchisi Gulruh Kenjaboy 5 000 000 so‘m, hadis fani o‘qituvchisi Gaipova Joziba 5 000 000 so‘m pul mukofoti bilan taqdirlandilar.

Shu bilan birga ta’lim muassasasida faoliyat olib borayotgan  xodima Rustamova Malikaga 1 500 000 so‘m  mukofot pullari taqdim qilindi.

Qolaversa, ta’lim muassasasida ta’lim olayotgan 3-kurs talabasi Yusufiy Ruqoyya   va 2-kurs talabasi Nigmatova Muhsinaga ham 3 000 000 so‘mdan mukofot pullari taqdim qilindi.


"Xadichai Kubro" ayol-qizlar o'rta maxsus islom ta'lim muassasasi "Yoshlar bilan ishlash ma‘naviyat-ma‘rifat"  bo'limi