"XADICHAI KUBRO " AYOL-QIZLAR O‘RTA MAXSUS ISLOM TA‘LIM MUASSASASIDA INTELLEKTUAL BELLASHUV - JAHOLATGA QARSHI MA'RIFAT

Joriy yilning 7-mart kuni ta‘lim muassasasida "Jaholatga qarshi ma‘rifat" intellektual bellashuvining saralash bosqichi bo‘lib o'tdi.

Bellashuvga har bir kursdan to'rt nafardan  talabalar  saralab olindi. Ular quyidagi to'rt xil shart bo'yicha o'zaro bellashdilar.

Birinchi shartda har bir guruh guruh nomi,  shiori va ishtirokchilarni tanishtirib o'tdilar. Ikkinchi shartda hakamlar hay'ati tomonidan har bir guruhga ikkitadan savol taqdim etildi. Javob berish uchun ikki daqiqa vaqt berildi. 

Uchinchi shartda guruh ishtirokchilari o'zlari ishtirokida bugungi kunda dolzarb bo'lib turgan turli kimsalarning yolg‘onlariga aldanib chetga chiqib ketayotgan ayollar, bilib-bilmay fatvo berayotgan "ilmli" kishilar va mazhabsizlikni targ'ib qilayotgan sohta salafiylar mavzusida ijodiy chiqishlarini namoyish qildilar.  To'rtinchi shartda guruh ishtirokchilari o'zlari tomonidan ekstremizm,  terrorizm,  yot g'oyalarga aldanib qolmaslik va shunga o'xshash mavzularda ijtimoiy tarmoqlarda taqdim etilgan maqola, infografika va videoroliklarini sarhisobini taqdim qildilar.
Bellashuvda  "Ummat murabbiyalari", "Ma‘rifat yog‘dusi", "Ma‘rifat" nomli guruhlar ishtirok etib, hay'at a'zolari xulosasiga ko'ra:
Birinchi o'rinni 57 ball bilan "Ummat murabbiyalari" jamoasi qo'lga kiritdi. 
Tadbir so'nggida  bellashuvda ishtirok etgan barcha talabalarga ta'lim muassasasi rahbariyati tomonidan esdalik sovg'alar taqdim etildi.

"Xadichai Kubro" ayol-qizlar o'rta maxsus islom ta'lim muassasasi "Yoshlar bilan ishlash ma‘naviyat-ma‘rifat bo'limi"