“Jaholatga qarshi ma’rifat” tadbirlar doirasida "Xadichai Kubro" ayol-qizlar o‘rta maxsus islom ta’lim muassasasida soha mutaxassislari bilan uchrashuv

Joriy yilning 17 mart kuni “Jaholatga qarshi ma’rifat” tadbirlar doirasida “Xadichai Kubro” ayol-qizlar o‘rta maxsus islom ta’lim muassasasida talaba qizlar bilan soha mutaxassislari bilan suhbat uchrashuv bo‘lib o‘tdi. 

Ushbu uchrashuvda Uchtepa tumani 3-IIB XPB XQMB katta inspektori katta leytenanti T.X.Xudjayeva, Uchtepa tumani III FMB TQKB t/v kapitan A.M.Abdiyeva, D.I.Rajabova, Vazirlar Mahkamasi huzuridagi Din ishlari bo‘yicha Qo‘mitaning Uchtepa tumani bosh mutaxassisi D.Ergashevalar qatnashishdi.

Suhbat davomida soha mutaxassislari talaba qizlarga hozirgi davrda jamiyatimizga tahdid solayotgan ekstremizm va terrorizm xavfi haqida ogoh bo‘lishga, internet saytlarda olib borilayotgan targ‘ibot-tashviqot ishlarning har turli ko‘rinishlari xususida atroflicha tushuntirdilar. 

Shuningdek, noqonuniy ta’lim berish mumkin emasligi haqida ham kerakli ma’lumotlar berildi. Ekstremistik oqimlarning saytlariga kirmaslik, ushbu saytlarning ma’ruzalarini, nashidalarini telefonlarda, planshetlarda saqlash qonun doirasida jinoiy javobgarlikka olib kelishi haqida ogohlantirildi. 

Mehmonlar talaba qizlarga Uchtepa tumanida ekstremistik oqimlar ta’siriga tushib qolgan yoshlar haqida hujjatli film namoyish qildilar. Ushbu hujjatli filmdan talaba qizlar juda ta’sirlandilar. Uchrashuv so‘ngida talaba qizlar o‘zlarini qiziqtirgan savollarni berib, kerakli javoblarni oldilar.
Uchrashuv juda mazmunli va foydali bo‘lib o‘tdi.

O‘quv, malaka va qayta tayyorlash bo‘limi boshlig‘i              M.Vaxidova