"Xadichai Kubro"  ayol-qizlar o‘rta maxsus islom ta’lim muassasasiga Namangan shahridagi “Iqro” xususiy maktabi o‘quvchilari tashrifi

“Xadichai Kubro” ayol-qizlar o‘rta maxsus islom ta’lim muassasasiga Namangan shahridan “Iqro” xususiy maktabi o‘quvchilari joriy yilning 17 mart kuni tashrif buyurishdi

. Ushbu maktab o‘quvchilari o‘qituvchilari bilan birgalikda O‘zbekiston islom Akademiyasi, Imom Buxoriy nomidagi Toshkent islom instituti bilan tanishishgan. O‘quvchilar shuningdek, Xadichai Kubro  ayol-qizlar o‘rta maxsus islom ta’lim muassasasi bilan yaqindan tanishish, o‘qishga kirish shartlari, o‘qishga kirgandan so‘ng mavjud shart-sharoitlar haqida ma’lumot olish uchun kelishdi. Mehmonlar bilan  o‘quv, malaka oshirish va qayta tayyorlash bo‘limi boshlig‘i M.Vaxidova suhbat o‘tkazdi. 

O‘quvchilarga ta’lim muassasasi tarixi, yaratilgan shart-sharoitlar, o‘qishga kirish shartlari haqida ma’lumotlar bilan tanishtirildi. Mehmonlarning qiziqtirgan savollariga atroflicha javoblar berildi. Uchrashuv chiroyli duo bilan tugallandi. Mehmonlar tashrifdan mamnun bo‘lib, tashakkurlar aytishdi.

O‘quv, malaka va qayta tayyorlash bo‘limi boshlig‘i M.Vaxidova