“XADICHAI KUBRO” AYOL-QIZLAR O‘RTA MAXSUS ISLOM TA’LIM MUASSASASIDA SHANBALIK

“Xadichai Kubro” ayol-qizlar o‘rta maxsus islom ta’lim muassasasida shanbalik tashkil etildi.

Joriy yilning 18-mart kuni ta’lim muassasasida ichki tartibda ikki binoga bo‘lingan holatda shanbalik tashkil etildi. Ta’lim muassasasini obod qilish maqsadida deyarli barcha ustoz va xodimlar hamda talabalar shanbalikda ishtirok etdilar. Talabalar madrasa hovli, ko‘chasisini supurib, sinf xonalarini tartibga keltirdilar. Hashardan so‘ng esa 3ta kurs talabalari tomonidan damlangan oshlar dasturxonga tortildi. Hashar juda maroqli bo‘ldi. Shundan so‘ng yotoqxona talabalarini 4 kunlik ta’til munosabati bilan o‘z uylariga kuzatildi.

Shanbalik doirasida quyidagi ishlar amalga oshirildi:

-            Madrasa hududi tozalandi;

-            Auditoriyalar, kutubxona, oshxona va yotoqxonalar tozalanib, changlar artildi;

-            Oynalar yuvib artildi;

 Xonalar tartibga keltirildi, saranjomlandi.

Zero, xalqimizda dunyoning boshqa xalqlari o‘rganadigan, havas qilsa arziydigan qadriyatlari, urf-odatlari talaygina. Shulardan biri — bu hashar. Hashar — bu ijtimoiy hamkorlik va begʻaraz yordam shakllaridan biri. Necha yuz yillardan buyon davom etib kelayotgan ushbu an’anaga ko‘ra tozalik, ozodalik, ko‘cha-xiyobonlarni obod qilish, daraxtlarga ishlov berish, atrof-muhitni ozoda-sarishtaligini ta’minlash kabi ishlar bajariladi.