Mo'minning qarzi

Mo'minlar qarzni rasmiylashtirish orqali  dunyo va oxiratda yutug'ga erishadilar. Qarz masalasi insonlar orasida amalda joriy bo'lib kelayotgan ish bo'lib har bir mo'min  banda qarz oldi-berdi masalasini bilishi lozim-u lobuddir.  Qarz masalasining hukm va odoblarini Hakim va Alim bo'lgan Alloh Taoloning òzi bandalariga Aziz kalomi bo'lmish Qur'oni Karimning Baqara surasi 282-oyatida batafsil o'rgatgandir. Hattoki, bu oyati karima Qur'ondagi eng uzun oyatdir.Bu esa, Alloh Taoloning nazdida uning ahamiyatining katta ekanligiga dalolat berib turadi.Qur'oni Karimda bu masala rasmiylashtirilib bayon qilingan.
Zotan,  qarzni rasmiylashtirish va guvohlar keltirishga chaqirilgan bu oyati karimadagi asosiy maqsadlardan biri, azal-azaldan va shuningdek hozirgi kunda yuzaga kelayotgan kelishmovchiliklarni oldini olish va isloh qilishdir. Zero, Islom-osonlik va omonlik dinidir. Holbuki, bu kelishmovchiliklarning barchasi shariat qoidalari asosida qilishi kerak bo'lgan qarzni yozib, hujjatlashtirib qo'ymaslikdan kelib chiqadi. 
   "Oyati Mudoyana" -"Qarz oldi- berdisi" nomini olgan bu oyatda Alloh Taolo bundan bir ming besh yuz yil oldin insonlar turmish tarzida ular tomonidan unchalik ahamiyat berilmaydigan lekin tez-tez uchrab turadigan holatlarni yoritib bergandir.
   Ushbu qarz ishiga o'xshash ishlar odatda tashvish keltirishi ma'lumdir. Bunga bugungi kunda ba'zi insofsiz insonlarning imkoni bo'la turib qarzni kechiktirishi yoki undan umuman tonishi kabi misollar bisyordir. Bu holatlarga qarz oldi-berdi masalalari amalga oshirilayotgan holatda Qarz oluvchining: " Menga ishoning men ham Ollohdan qo'rqaman" yoki Qarz beruvchining: " Men senga ishonganim uchun qarz beryapman"-,degan baland parvoz gaplari sabab bo'lyapti.
Aksincha musulmon kishi bu holatda Qur'oni Karimda tavsiya qilingani kabi ish tutib,qarzni hujjatlashtirishi lozimdir.
    Bilamizki, gohida ikki tomon ham insofli bo'lsada, tafsilotlar esdan chiqib qolishi mumkin. 
Ushbu va shunga o'xshash noqulay holatlarni oldini olib Qur'oni Karimga amal qilsak, Inshaallohu Taala shariatga muvofiq ish tutgan bo'lamiz, hamda bunday vaziyatlarni oldini olgan bo'lamiz.


3-kurs talabasi Ismatullayeva Odina