Sahv sajdasini vojib qiladigan sabablar

🔹Agar farz namozining avvalgi ikki rakatida yoki ikki rakatning birida adashib "Fotiha" surasini o‘qimasa

🔹Shuningdek, nafl va vitr namozlarining biror bir rakatida adashib "Fotiha" surasini o‘qimasa

🔹Farz namozining avvalgi ikki rakatida qiroat qilmasdan, keyingi ikki rakatida qiroat qilsa

🔹Farz namozining avvalgi ikki rakatida yoki ikkisining birida "Fotiha"ga zam sura qo‘shmasa

🔹Vitr va nafl namozida rakatlarning birortasida "Fotiha"ga zam sura qo‘shmasa

🔹"Fotiha" surasini ikki marta o‘qib qo‘ysa. (Chunki u zam surani o‘z o‘rnidan kechiktirdi)

🔹Agar bir sajda qilib, keyingi rakatga turib ketsa va unda ikki sajda qilsa, so‘ngra qolib ketgan bitta sajdani qilsa, namozi durust, lekin sahv sajdasi vojib bo‘ladi

🔹Agar uch yoki to‘rt rakatlik namozda u xoh nafl bo‘lsin, xoh farz bo‘lsin, avvalgi qa’dani tark etsa

🔹Farz namozida adashib avvalgi qa’dani tark etsa va uchinchi rakatga tursa, qomati tik bo‘lsa, namozni davom ettiraveradi, vojib amal hisoblangan qa’dani tark etgani uchun sahv sajdasini qiladi.

🔹Qa’dada o‘tirganda tashahhud o‘qishni unutsa

🔹Vitrda qunut duosini unutsa

🔹Vitrda qunut duosiga takbir aytishni unutsa

🔹Maxfiy namozni imom jahriy o‘qib qo‘ysa

🔹Jahriy namozlarni imom maxfiy o‘qib qo‘ysa

🔹Avvalgi qa’dada tashahhudni (abduhu va rosuluhu)da tugatmasdan, (Allohumma solli a’la muhammadni) ham qo‘shib o‘qib qo‘ysa. Yoki bir rukn mikdoricha tashahhudni o‘qib bo‘lib, sukut saqlab turib qolsa.

3-kurs talabasi: Maqsudxo'jayeva Madina
Mas'ul ustoz: Fiqh fani o'qituvchisi Ibragimova Nozima