Alaviylarning botil qarashlari

Rofiziylardan paydo bo'lgan firqalardan birinchisi alaviy rofiziylaridir. Alaviylarning e'tiqodiga ko'ra, payg'ambarlik, aslida, Alloh
taolo tomonidan Ali ibn Abu Tolib (r.a.) ga yuborilgan bo'lib, Jabroil (a.s.)
xato qilgan. Shuningdek, ular Ali (r. a.) ga nisbatan "Alini Alloh rahmat qilsin"
jumlasini qo'llamasdan, aksincha, "Allohning salavoti bo'lsin", deb aytadilar.
Zero, ular "Ali, albatta, Allohning elchisi", deb ta'kidlaydilar.
Alaviylar Payg'ambarimiz (s.a.v.)ni inkor qilganlari sabab u zotdan birorta
ham hadis keltirmadilar. Shu bilan birga, ular Payg'ambarimiz (s.a.v.) ning
sunnatlarini ham inkor qildilar. Abu Buhtardan rivoyat qilinishicha, Ali ibn
Abu Tolib (r.a.)ning o'zi shunday deganlar: "Ikki xil inson halokatga uchraydi:
dinda haddan tashqari chuqur ketuvchi va jahl-g'azabga beriluvchi".
Alloh taolo va Uning Rasuli dinda ortiqcha g'uluvga borishdan ogohlantiradi, hatto Hazrati Payg'ambarimiz (s.a. v.) bunday deganlar: "Dinda ortigcha g'uluvga borishdan ehtiyot bo'linglar. Zero, g'uluvga borish sizlardan oldin o'tganlarni halok etib, qon to'kishga va haromni halol qilishga olib keldi".


Tayyorladi: 3-kurs talabasi Shukurova Malika