Qalb qotib ketdimi ko’zlar yig’lolmas

Qalb qotib ketdimi ko’zlar yig’lolmas
La’nati nafsim ham haddin bilolmas
Odatga aylandi hunuk amallar
Allohim senga hech ko’ngil yetolmas
Nafs yengdi bu jonni jonim ozorda
Javobim ne bo’lar qaro mozorda
Gunohlar ichiga ko’milib kettim
Dunyo deb atalmish yolg’on bozorda
Oy o’tar, kun o’tar, yillar ham o’tar
Yurakda meni ming iztirob o’rtar
Yod olgan Qur’on ham halqumdan o’tmas
Ahvolim bo’lmoqda kundan kun battar
Qalbim der kelmasmi o’zgarish vaqti
Bu jirkanch dunyoda senga ne yoqdi?!
Va’da qilingan chog’ Robbing jamoli
Kerakmi bu dunyo lazzati taxti
Chorasiz qolgan bir bechora bo’ldim
O’zimni tanimay hayrona bo’ldim
Allohim senga hech oshiq bo’lmadim
Olovga yopishgan parvona bo’ldim
Allohim yordam ber, oshig’ing bo’lay
O’lsam ham sen uchun seni deb o’lay
Allohim qalbimga ishq o’tin solgin 
Jannatda Jamoling bir bora ko’ray

1-kurs Qurbonova Muborak