"Xadichai Kubro" ayol-qizlar o'rta maxsus islom ta'lim muassasasi o‘qituvchi va talabalari faxriy onaxon ziyoratida

9-may Xotira va qadrlash kuni munosabati bilan "Xadichai Kubro" ayol-qizlar o'rta maxsus islom ta'lim muassasasi Yoshlar bilan ishlash ma‘naviyat-ma‘rifat bo'limi uslubchisi Axmedova Muattar va  bir guruh talabalar Shayhontohur tumani Charxnovza  MFY 30-xonadonda istiqomat qiluvchi 1930-yilda tavallud topgan Shukurova Zaytuna ona Mingaliyevnaning ziyoratida bo‘ldilar. 

Zaytuna ona olti o‘g‘il bir qiz farzandning onasi, o‘ttizdan ortiq nevara, evara, chevaralarning buvisi ekanlar. Zaytuna ona xonadoni a‘zolari onaxon boshchiligida  bizlarni samimiy qarshi oldilar.  Zaytuna ona suhbat chog‘ida ikkinchi jahon urushida frontda askarlarga ovqat tayyorlab berish bilan mashg‘ul bo'lganlarini, urush qiyinchiliklarini, ocharchilik va mashaqqatli mehnat bilan o'tkazgan kunlarini  hikoya qilib berdilar.  

Xonadon Zaytuna onaning o'zgacha  nuri bilan fayzli ekani, hovli va bog‘chalar  onaning o‘z qo‘llari bilan yetishtirgan gullar ifori bilan to‘lib-toshgani bizlarda o‘zgacha taassurot qoldirdi. 
Shuningdek,  Zaytuna ona talaba qizlarimizga o‘z qo‘llari bilan yetishtirgan gullardan hadya qildilar va shirinliklar ulashdilar. 

Bir piyola choy ustida sal kam bir asr hayotni yashab o‘tgan Zaytuna ona  bilan  bo‘lib o‘tgan ajib suhbat u kishining talabalar, madrasamiz va yurtimiz haqiga qilgan duoi xayrlari bilan yakunlandi.

Talabalar bu tashrifdan o‘zgacha taassurot bilan qaytdilar.

"Yoshlar bilan ishlash ma‘naviyat-ma‘rifat" bo'limi uslubchisi Axmedova M.