“XADICHAI KUBRO” AYOL-QIZLAR OʻRTA MAXSUS ISLOM TAʼLIM MUASSASASIDA “YONG‘IN XAVFSIZLIGI”IGA OID DAVRA SUHBATI

Joriy yilning 16-sentabr kuni kuz-qish mavsumiga tayyorgarlik ko‘rish va "Xadichai Kubro" ayol-qizlar oʻrta maxsus islom taʼlim muassasasi talabalariga “Yong‘in xavfsizligi”, yong‘inni oldini olish ehtiyot choralari, yong‘in chiqqanda qanday harakatlanish lozimligi, o‘t o‘chirish moslamasidan foydalanish tartibi haqida to‘liq ma’lumot berish maqsadida Olmazor tumani FVB boshlig'i podpolkovnik Ibragimov Shavkat Nigmatovich ishtirokida amaliy tarzda davra suhbati tashkil etildi.

Suhbat chog‘ida qanday ehtiyotsizlik sababli yong‘in chiqishi mumkinligi, yong‘in vaqtida nima qilish kerak, kuygan insonga qanday yordam ko‘rsatiladi, yonayotgan binoda qanday evakuatsiya qilinadi kabi masalalar to‘liq tushuntirib berildi. 

Suhbat juda qiziqarli va foydali bo‘ldi, suhbat so‘ngida talabalar o‘zlarini qiziqtirgan savollarga mutaxassislar tomonidan javob olishdi.