"Xadichai Kubro" ayol-qizlar o‘rta maxsus islom ta’lim muassasasida sentyabr oyi - Qur'oni Karim va tajvid fani oyligi munosabati bilan zakovat intellektual bellashuvi tashkil etildi

Joriy yilning 22-sentyabr kuni ta‘lim muassasasida sentyabr oyi - Qur'oni Karim va tajvid fani oyligi munosabati bilan kurslararo zakovat intellektual bellashuvi tashkil etildi.

 Talabalar "Qoriyalar" va "Hofizalar" nomli ikki guruhga ajralib  quyidagi shartlar bo‘yicha o'zaro musobaqalashdilar:
1-shart: Tezkor savol-javob. Ushbu shartda har bir guruhdan bir vakil 20 ta tezkor savolga javob berdilar.
2-shart: "Tuhfatul atfol" matni baytlari bo‘yicha bahrubayt. 
3-shart: "Tuhfatul atfol" matnidan keltirilgan baytlarni sharhlash.
4-shart: Salovat aytish.
 

Umumiy natijalarga ko'ra: Hofizalar guruhi birinchi o'rinni, Qoriyalar guruhi ikkinchi o'rinni qo‘lga kiritdilar. 

Ikkala jamoa ishtirokchilari  ham esdalik sovg‘alar va faxriy yorliqlar bilan taqdirlandilar.
 

Shuningdek, tadbir so'nggida yil davomida mus'hafga qarab va yoddan eng ko‘p xatm qilgan talabalar taqdirlandilar. Unga ko‘ra yoddan eng ko‘p xatm qilgan 2-kurs talabasi Abdullayeva Zilola, mus'hafga qarab eng ko‘p xatm qilgan 3-kurs talabasi Burxonova Umriniso faxriy yorliq va esdalik sovg‘alari bilan taqdirlandilar. 

Tadbir xatmi Qur‘on duosi bilan yakunlandi.

Yoshlar bilan ishlash ma‘naviyat-ma‘rifat bo'limi