"Хадичаи Кубро" аёл-қизлар ўрта махсус ислом таълим муассасаси 3-курс талабаларининг “Политехника” музейига ташрифи

Жорий йилнинг 6 октябрь куни Хадичаи Кубро аёл-қизлар ўрта махсус ислом таълим муассасаси 3 курс талабалари устоз М.Вахидова бошчилигида шаҳримиздаги “Политехника” музейига ташриф буюрдилар. Ташриф давомида талаба қизлар машинасозликнинг ривожланиш тарихи билан экспонатлар орқали танишдилар.
 

Маълумки, мустақиллик йилларида юртимизда машинасозлик саноати жадал қадамлар билан ривожланди. Ҳар турдаги енгил машиналар, юк машиналари, автобуслар ишлаб чиқарила бошланди. Талаба қизларга Ватанимиз равнақига ҳиссасини қўшаётган машиносозлик саноати тарихи ҳақида эшитиш жуда қизиқарли бўлди. 
 

Музей экспонатлари орасида Турин техник институти талабалари яратган техник шоулар талаба қизларда катта таассурот қолдирди.
Музей иккинчи қаватида физика фанига оид, табиий ҳодисаларнинг қандай рўй бериши тўғрисида бир қатор экспонатлар ҳам яқиндан таништирилди. 

Техник музейга қилинган экскурсия талаба қизларнинг юртимизда амалга оширилаётган инженер-техник янгиликлар яқиндан танишишга, физика фани оламига саёҳат қилиб катта таассуротлар олишга хизмат қилди. 

“Хадичаи Кубро” аёл-қизлар ўрта махсус ислом  таълим муассасаси ўқитувчиси         М.Вахидова