"Xadichai Kubro" ayol-qizlar o‘rta maxsus islom ta'lim muassasasida talabalar o‘rtasida Mavlid-2023 munosabati bilan “Siz siyratni bilasizmi?” nomli musobaqa bo'lib o'tdi.

Tadbirda talabalar "Risolat shaydolari", "Siyrat oshiqalari", "Ansoriyalar" nomli 3 guruhga bo'linib quyidagi shartlar aro bellashdilar:
1-Shart. Guruh jamoalari "Nurul yaqiyn" kitobi asosida tuzilgan savollarga jamoaviy kelishgan holda javob berdilar.
2-Shart. Tezkor savol-javob shartida har bir jamoadan guruh sardori chiqib berilgan 10 ta tezkor savollarga javob berdi.
3-Shart. Har bir guruh ishtirokchilari o‘z ijodiy chiqishlarini namoyish etdilar. 
 

Umumiy ballar e’lon qilinishidan avval faxriy ustoz Gulobod ustoz Qudratulloh so’zga chiqib Rosululloh sollollohu alayhi vasallamga  xolis va go'zal   muhabbat qo’yish haqida so'zladilar hamda  talabalarga o'zlarining qimmatli tavsiyalarini berib o'tdilar. 

Tadbir so'nggida barcha jamoalar esdalik sovg'alari bilan taqdirlandilar.      

       Shuningdek,  Xadicha.uz telegram kanalida Robiul avval oyi munosabati bilan o'tkazilgan siyrat musobaqasida faol qatnashib yuqori natijalarni qo'lga kiritgan ayol-qizlar ham qimmatbaho esdalik sovg'alari va faxriy yorliqlar bilan taqdirlandilar. 

 Tadbir so'ngida ta'lim muassasasi rahbari Nozima ustoz Ibragimova so'zga chiqib barchani mavlid oyi munosabati bilan muborakbod etdilar hamda uzoq yillardan buyon ta'lim muassasasida siyrat tadbirlarida faollik ko'rsatib kelayotgan Gaipova Joziba ustozni faxriy yorliq va esdalik sovg'alari bilan taqdirladilar. 

Tadbir munshidat guruhidan taklif etilgan mehmonlarning go'zal salovatlari bilan yakunlandi.