“Xadichai Kubro” ayol-qizlar  o‘rta maxsus islom ta’lim muassasasi  talaba qizlari bilan “Xasti Imom” majmuasiga tashrif buyurildi

Joriy yilning 16 oktabr kuni tarixiy, moddiy va maʼnaviy yodgorliklarni toʻplash, saqlash, oʻrganish va targʻib qilish ishlarini amalga oshiruvchi ilmiy-maʼrifiy muassasa bo’lmish muzeylarga tashrif uyushtirish maqsadida “Yoshlar bilan ishlash, ma’naviyat va ma’rifat bo’limi” boshlig’i G.Maxamedova boshchiligida 1-kurs talaba qizlari bilan, Islom tarixi fani o’qituvchisi M.Qutbiddinova boshchiligida esa 3-kurslarning bir qismi bilan “Xasti Imom” majmuasiga tashrif uyushtirildi.

 Sayohat davomida talaba qizlar “Xasti Imom” masjidi, “Mo‘yi Muborak” madrasasi, “Tilla Shayx” masjidi, “Baroqxon” madrasasi bilan tanishdilar. Xususan, “Mo‘yi Muborak” madrasasida “Usmon Mus’hafi” uning tarixi, etib kelishi, ko‘chirma nusxasi haqida qimmatli ma’lumotlarga ega bo‘ldilar. 

Bundan tashqari talabalar tashrif mobaynida xorij fuqarolari bilan ingliz, turk tillarida suhbat qurib, yurtimiz yoshlarining ko’plab tilda gaplasha oloshini namoyon qildilar. 
Mehmonlar esa bundan juda hursand ekanliklarini bildirishdi. Sayohat juda maroqli va foydali bo‘ldi. 

 
“Yoshlar bilan ishlash, ma’naviyat va ma’rifat bo’limi”