"Xadichai Kubro" ayol-qizlar o‘rta maxsus islom ta’lim muassasasi 3 kurs talabalarining “Politexnika” muzeyiga tashrifi

Joriy yilning 16 oktyabr kuni “Xadichai Kubro” ayol-qizlar o‘rta maxsus islom ta’lim muassasasi 3 kurs talabalari ustoz M.Vaxidova boshchiligida shahrimizdagi “Politexnika” muzeyiga tashrif buyurdilar. Tashrif davomida talaba qizlar mashinasozlikning rivojlanish tarixi bilan eksponatlar orqali tanishdilar.

Ma’lumki, mustaqillik yillarida yurtimizda mashinasozlik sanoati jadal qadamlar bilan rivojlandi. Har turdagi yengil mashinalar, yuk mashinalari, avtobuslar ishlab chiqarila boshlandi. Talaba qizlarga Vatanimiz ravnaqiga hissasini qo‘shayotgan mashinosozlik sanoati tarixi haqida eshitish juda qiziqarli bo‘ldi.

Muzey eksponatlari orasida Turin texnika instituti talabalari yaratgan texnik shoular talaba qizlarda katta taassurot qoldirdi.
  Muzey ikkinchi qavatida fizika faniga oid, tabiiy hodisalarning qanday ro‘y berishi to‘g‘risida bir qator eksponatlar ham yaqindan tanishtirildi. 
  Texnik muzeyga qilingan ekskursiya talaba qizlarning yurtimizda amalga oshirilayotgan injener-texnik yangiliklar yaqindan tanishishga, fizika fani olamiga sayohat qilib katta taassurotlar olishga xizmat qildi. 
 

“Xadichai Kubro” ayol-qizlar o‘rta maxsus islom ta’lim muassasasi o‘qituvchisi M.Vaxidova