“Jaholatga qarshi ma’rifat” tadbirlar doirasida "Xadichai Kubro" ayol-qizlar o‘rta maxsus islom ta’lim muassasasida soha mutaxassislari bilan uchrashuv

Joriy yilning 25 oktyabr kuni “Jaholatga qarshi ma’rifat” tadbirlar doirasida "Xadichai Kubro" ayol-qizlar o‘rta maxsus islom ta’lim muassasasida talaba qizlar bilan soha mutaxassislari bilan suhbat uchrashuv bo‘lib o‘tdi. Ushbu uchrashuvda Olmazor tumani 2-IIB XPB XQMB podpolkovnik  Sh.X.Mirzakarimova, podpolkovnik G.A.Taymuratovalar qatnashishdi.
Suhbat davomida soha mutaxassislari talaba qizlarga hozirgi davrda jamiyatimizga tahdid solayotgan ekstremizm va terrorizm xavfi haqida ogoh bo‘lishga, internet saytlarda olib borilayotgan targ‘ibot-tashviqot ishlarning har turli ko‘rinishlari xususida atroflicha tushuntirdilar.

 Shuningdek, noqonuniy ta’lim berish mumkin emasligi haqida ham kerakli ma’lumotlar berildi. Ekstremistik oqimlarning saytlariga kirmaslik, ushbu saytlarning ma’ruzalarini, nashidalarini telefonlarda, planshetlarda saqlash qonun doirasida jinoiy javobgarlikka olib kelishi haqida ogohlantirildi. 

Mehmonlar talaba qizlarga Olmazor tumanida ekstremistik oqimlar ta’siriga tushib qolgan yoshlar va hozirda ko‘p uchrayotgan o‘smir qizlarning bo‘lmag‘ur yigitlar bilan tanishib uydan chiqib, yo‘qolib qolayotganliklari bo‘yicha faktlar keltirishdi. Uchrashuv so‘ngida talaba qizlar o‘zlarini qiziqtirgan savollarni berib, kerakli javoblarni oldilar. Uchrashuv juda mazmunli va foydali bo‘lib o‘tdi

“Xadichai Kubro” ayol-qizlar islom ta’lim muassasasi o‘quv, qayta tayyorlash va malaka oshirish bo‘limi boshlig‘i M.Vaxidova