"Xadichai Kubro" ayol-qizlar o'rta maxsus islom ta'lim muassasasi Talabalar turar joyida "Milliy pishiriqlar" nomli musobaqa o'tkazildi

#Talabalar_oshxonasi
#Milliylik_tarannumi 
 

Ayol-qizlar ilmu irfon  tarqatish yoki ilm olish bilan har qancha band bo'lsalar ham o'zlaridagi ayollarga xos bo‘lgan fazilatlarni unutmaydilar. 
Zero, ilmu ma‘rifat va  farzandlar tarbiyasi bilan birga uy ishlarini ham qoilmaqom tarzda ado etish - mana shu haqiqiy olima va soliha ayol-qizlarning ziynatidir. Qolaversa, uzuluksiz aqliy mehnat bilan miyani  toliqtiravermay o'rni kelganda mazali taomlar tayyorlash orqali 
yaqinlarni xushnud aylash yoqimli hordiq  bo‘ladi desak, mubolag‘a bo‘lmas. 

13-noyabr kuni "Xadichai Kubro" ayol-qizlar o'rta maxsus islom ta’lim muassassasi talabalar turar joyida istiqomat qiluvchi talaba qizlar o’rtasida “Milliy pishiriqlar” nomi ostida don-un mahsulotlaridan shirinliklar tayyorlash musobaqasi o‘tkazildi. 

Unga ko’ra birinchi kurs talabalari “Eng chiroyli shirinliklar” nominatsiyasi bo’yicha, 2-kurs talabalari "Milliylik aks etgan shirinliklar” nominatsiyasi bo’yicha, 3- kurs talabalari esa “Eng mazali shirinlik” nominatsiyasi bo’yicha g'olib deb topildilar. 

Har bir jamoa faxriy yorliq  va munosib sovg’alar bilan taqdirlandilar.

Talabalar turar joyi mas'ul xodimi D.Maxmudova