BAG‘RIKENGLIK HAFTALIGI

#Tashrif
#Bagrikenglik_haftaligi


15-noyabr kuni "Xadichai Kubro" ayol-qizlar o‘rta maxsus islom ta‘lim muassasasi talaba "Yoshlar bilan ishlash, ma’naviyat-ma’rifat bo‘limi" uslubchisi M. Axmedova va talaba qizlar  O‘zbekiston Respublikasi Badiiy akademiyasiga qarashli fotochilar uyida  tashkil etilgan, yurtimizdagi bag‘rikenglik munosabatlari aks ettirilgan fotosuratlar ko'rgazmasida ishtirok etdilar.

Din ishlari bo‘yicha qo‘mita, Millatlararo munosabatlar va xorijiy mamlakatlar bilan do‘stlik aloqalari qo‘mitasi hamda qator vazirlik va tashkilotlar bilan hamkorlikda tashkil etilgan ushbu taqdimot 16 noyabr – Xalqaro bag‘rikenglik kuniga bag‘ishlab, joriy yilning 13–19 noyabr kunlari respublikaning barcha hududida “Bag‘rikenglik haftaligi” doirasida o‘tkazilishi rejalashtirilgan bo‘lib, ushbu ko'rgazmaga yurtimizda faoliyat yuritayotgan turli diniy konfessiyalar va madaniyat markazlarining vakillari tashrif buyurdilar.

“Bag‘rikenglik haftaligi” doirasida bo‘lib o‘tayotgan tadbir xalqlarimiz orasidagi do‘stlik rishtalarining  rivoj topishiga, millatlararo totuvlik va diniy bag‘rikenlik munosabatlarini yanada mustahkamlashga xizmat qilishi shubhasizdir.

"Yoshlar bilan ishlash, ma‘naviyat-ma‘rifat bo'limi"