"Xadichai Kubro" ayol-qizlar o‘rta maxsus islom ta'lim muassasasida "Fiqh" fanidan ochiq dars

Joriy yilning 21-dekabr kuni "Xadichai Kubro" ayol-qizlar o‘rta maxsus islom ta'lim muassasasida Toshkent Islom institutidan pedagogik amaliyot uchun yuborilgan talaba Yo‘ldoshxodjayev Hojiyaning ochiq darsi bo‘lib o‘tdi.

Dars 1 kurs talabalari ishtirokida "Najosat bobi, istinjo hukmlari" mavzusida bo'lib o'tdi

Darsni tashkil etishda amaliyotchining zamonaviy metodlardan foydalanganligi, darsning qiziqarli o‘tishiga juda katta hissa qo‘shdi
 

Guruhlarga bo'lib olishdan boshlangan dars, interaktiv o'yinlar orqali uy vazifalarini tekshirish bilan davom etdi. Yangi mavzu esa zamonaviy texnik anjomlar, aqilli doskada slaydlar orqali tushuntirib berildi
 

Dars so‘nggida esa avval "Kahoot" o‘yini orqali talabalar bilimlari tekshirilib, eng tezkor va to'g'ri javob bergan talaba aniqlandi. So'ngra "Fiqhiy hukmlar" nomi ostidagi  jamoviy o'yinlar orqali eng yaxshi jamoa aniqlandi
 

Darsni kuzatish jarayonida "Fiqh" fani ustozi N.Ibragimova va boshqa ustozlar ishtirok etib, dars jarayonini baholab borishdi
 

Dars yakunida talabalar o‘zlari qiziqtirgan savollarga javob olishdi, amaliyotchi talaba tomonidan esa dars davomida faol bo'lgan hamda tashkil etilgan interaktiv o'yinlarda g'olib bo'lgan talabalarga esdalik sovg'alar taqdim etildi

"Xadichai Kubro" ayol-qizlar o‘rta maxsus islom ta'lim muassasasi matbuot xizmati