"Xadichai Kubro" ayol-qizlar o'rta maxsus islom ta'lim muassasasida bugun 22-dekabr kuni "Hadis bilimdoni" nomli intellektual bellashuv bo'lib o'tdi

Joriy yilning 22-dekabr kuni "Xadichai Kubro" ayol-qizlar o'rta maxsus islom ta'lim muassasasida Hadis fani o‘qituvchisi Mahmudova Dildora va fiqh fani o'qituvchisi Ibrohimova Fotima ustoz boshchiligida barcha kurs talabalari ishtirokida "Hadis bilimdoni" nomli intellektual bellashuv bo'lib o'tdi.  

Talabalar "Buxoriy avlodlari", "Hadis muxlisalari", "Sunnat xodimalari" nomli guruhlarga taqsimlanib quyidagi shartlar asosida bellashdilar:
1. Guruh nomi va ishtirokchilarini tanishtirish.
2. Bahrul hadis.
3. Sahobalar ismini aytishuv.
4. Berilgan savollarga jamoaviy kelishgan holda javob berish. 
5. Tezkor savollarga javob. 
6. Ijodiy chiqish. 
 

Ishtirokchilar barcha shartlarda faol qatnashdilar. Yakuniy natijalarga ko‘ra "Buxoriy avlodlari" jamoasi eng yuqori ya‘ni 106 ball bilan g‘olib deb topildi. Barcha ishtirokchilar homiylar tomonidan qimmatbaho esdalik sovg‘alari bilan taqdirlandilar.

Jamiyatda ilmu-irfon tarqatishda, xususan ummat tarbiyasida ayollarning o'rni beqiyosdir.  Ta‘lim muassasamiz talabalari bugungi bellashuvda o'z zakovatlarini namoyon qilish orqali ushbu sharafli vazifa sari ildam odimlab ketayotganlarini yana bir bor isbotladilar.

“Xadichai Kubro” ayol-qizlar o‘rta maxsus islom ta'lim muassasasi matbuot xizmati