MUASSASA TALABALARI MUZEYDA

“XADICHAI KUBRO” AYOL-QIZLAR O'RTA MAXSUS

ISLOM TA'LIM MUASSASASI TALABALARI MUZEYDA

Xadichai Kubro ayol-qizlar o'rta maxsus islom ta'lim muassasasi talabalari Abdulla Qodiriy muzeyiga tashrif buyurdi

Joriy yilning 3 mart kuni ta'lim muassasasi 1-kurs talaba qizlari bilan guruh rahbari Farida Abzalova boshchiligida Abdulla Qodiriy muzeyiga tashrif buyurildi.

Talaba qizlar muzey sayohati chog'ida A.Qodiriyning butun hayoti va ijod yillari aks ettirilgan eksponatlar bilan tanishdilar. Shuningdek, qatag'on yillari tasvirlangan bo'limga ham kirdilar va u yerda A.Qodiriyning hayoti va ijodi yoritilgan videofilm tomosha qildilar. Undan tashqari muzey hududida A.Qodiriy asos solgan “Turon” kutubxonasi ham joylashgan bo'lib, ular bu bo'limga ham kirdilar va unga tegishli turli o'quv zallarni ko’rib ma’naviy zavq oldilar.

Muzeyda yana ko'plab A.Qodiriy qalamiga mansub asarlar va ularning mazmuni yoritilgan eksponatlar joy olgan bo'lib, sayohatdan juda mamnun holda qaytgan talaba qizlar yana bir bor kelish va ayniqsa kutubxonaga a'zo bo'lish istagini bildirdilar. Sayohat juda foydali bo'ldi.

Ma'naviy-ma'rifiy ishlar bo'yicha

 direktor o'rinbosari  Z.Komiljonova