“Xadichai Kubro” ayol-qizlar islom ta'lim muassasasi talabalari Muruvvat uyida

Joriy yilning 3 dekabr kuni “Xadichai Kubro” ayol-qizlar islom ta'lim muassasasi  “Yoshlar bilan ishlash, ma'naviyat va ma'rifat bo’limi” boshlig’i G.Maxamedova boshchiligida muassasa talabalarining BMT tashkiloti tomonidan e’lon qilingan “3 dekabr – Xalqaro nogironlar kuni” munosabat bilan Toshkent shahri, Olmazor tumani 1 sonli muruvvat uyiga tashrifi amalga oshirildi.

 Ushbu sana butun dunyo boʻylab keng nishonlanadi va bundan asosiy maqsad aqlan va jismonan nuqsoni bor zamondoshlarimizni har tomonlama qoʻllab-quvvatlashdan iboratdir. Ta’lim muassasasinig muallima, xodim va talabalari tomonidan to'plangan ehson hamda hadiyalari bilan Muruvvat uyi tarbiyalanuvchilarining ko'nglini ko'tardilar. 

Muruvvat uyi xodimlari haqqiga xatmi Qur'on duolari qilinib, bolalar tomonidan namoyish etilgan go'zal bayram tadbirini birgalikda tomosha qildilar. 

Bolalar minnatdorchilik ramzi o'laroq talabalarga o'z qo'llari bilan yasagan tabriknomalardan berdilar.

 Talabalar Muruvvat uyidan ko'plab ibratlar, kerakli xulosalar olib qaytdilar. 

“Yoshlar bilan ishlash, ma'naviyat va ma'rifat bo’limi” boshlig’i G.Maxamedova