"Xadichai Kubro" ayol-qizlar o'rta maxsus islom taʼlim muassasasida "ZAKOVAT 2024" intellektual bellashuvi o'tkazildi.

   "Xadichai Kubro" ayol-qizlar o'rta maxsus islom taʼlim muassasasida "ZAKOVAT 2024" intellektual bellashuvi o'tkazildi.
Joriy yilning 15-fevral kuni "Xadichai Kubro" ayol-qizlar o'rta maxsus islom ta'lim muassasasida "Yoshlar bilan ishlash, manaviyat-ma'rifat bo'limi" va "Oʻzbekiston davlat jahon tillari universiteti" amaliyotchi talaba qizlari tashabbusi bilan  "Zakovat 2024" intellektual bellashuvi  oʻtkaziladi. 
Tadbir avvalida "Xadichai Kubro" ayol-qizlar o'rta maxsus islom taʼlim muassasasi direktori Maryam ustoz Abdullayeva so'zga chiqib barcha jamoa vakillariga omad tilagan holda tadbirni ochib berdilar. Bellashuv uchta guruh ishtirokida bo'lib, barcha kurs talablaridan tuzilgan "Zukkolar", "Donolar" va "Olimalar" guruhi 12 ta ilmiy, mantiqiy va qiziqarli savollardan iborat bo'lgan 2 raund davomida o'zaro bellashdilar. Har bir savolga javob berish uchun tayyorlanishga bir daqiqa vaqt berildi so'ngra javoblar ishtirokchilar tomonidan yozma va ogʻzaki tarzda taqdim etildi. Bellashuv davomida bellashuv tomoshabinlariga ham savollar bilan murojaat qilindi. Yakuniy natijalarga koʻra, 
  1- oʻrinni "Zukkolar" jamoasi,  
  2- o'rinni "Donolar" jamoasi,
  3- o'rinni "Olimalar" jamoasi egalladi. Bellashuv so'ngida barcha ishtirokchilarga esdalik sovg'alar topshirildi.

📚"Yoshlar bilan ishlash, manaviyat-ma'rifat bo'limi"