XADICHAI KUBRO AYOL-QIZLAR O‘RTA MAXSUS ISLOM TA‘LIM MUASSASASIDA QUR'ON MUSOBAQASI

Joriy yilning 2-mart kuni "Xadichai Kubro" ayol-qizlar o‘rta maxsus islom ta‘lim muassasasida "Qur’on musobaqasi 2023" bo‘lib o‘tdi. 

Musobaqaga Toshkent Islom instituti "Tahfizul Qur‘on" kafedrasi mudiri Jahongir Qori Ne‘matov, Toshkent Islom instituti "Tahfizul Qur‘on" kafedrasi Qur‘oni Karim va tajvid fani o‘qituvchisi Valixon qori Azimboyev, Toshkent Islom instituti "Tahfizul Qur‘on" kafedrasi Qur‘oni Karim va tajvid fani o‘qituvchisi Zafar qori Mahmudov,  Toshkent Islom instituti Aqoid va Fiqhiy fanlar kafedrasi katta o‘qituvchisi Farxod domla Jo‘rayev hamda yurtimizda ayollar ilmi va  sa‘viyasini oshirishda yetakchilik qilib kelayotgan fazilatli ustoz Odinaxon Muhammad Sodiq tashrif buyurdilar. 

Tadbir 3 bosqichda bo‘lib o‘tdi:
1. Murattaba yo'nalishi. (30 pora)
2. Hifz yo'nalishi.  (15 pora)
3. Tilovat yo'nalishi.

Murattaba yo'nalishi bo'yicha birinchi o'ringa 3-kurs talabasi Yusufiy Ruqoyya,  ikkinchi o'ringa 1-kurs talabasi Abdullayeva Zilola, uchinchi o'ringa 3-kurs talabasi  G‘ofurjonova Robiya munosib deb topildilar.

15 poralik hifz yo'nalishi bo‘yicha birinchi o'ringa 3-kurs talabasi Barotxojiyeva Mubina, 2-o‘ringa 2-kurs talabasi Abdurasulova Rahnamo, 3-o‘ringa 2-kurs talabasi Abduqahhorova Sharifa munosib deb topildilar.

Tilovat yo'nalishi bo‘yicha birinchi o'ringa 1-kurs talabasi Odilova Mo‘mina, ikkinchi o'ringa 1-kurs talabasi Axmadova Barno, uchinchi o'ringa 1-kurs talabasi Abduxalilova Muslima munosib deb topildilar. 

So‘ngra ta‘lim muassasa ma‘muriyati tomonidan qimmatli vaqtlarini ayamasdan tashrif buyurgan faxriy ustozlarimizga Tashakkurnomalar topshirildi.

Tadbirning ikkinchi qismida,  Odinaxon ustoz Muhammad Sodiq boshchiligida muassasa ustozalari bilan  o‘qib tugatilgan Hanafiy mazhabi ulamosi Shayx  Saloh Abul Haj qalamiga mansub "أكايل الماس"    "Olmos tojlar" kitobi bo'yicha  ijozalar taqdim qilindi. 

Tadbir ta‘lim muassasasi talabalari tomonidan qilingan xatmlarning duolarii bilan muassasa haqiga duoi xayrlar qilingan holda ko'tarinki ruhda yakunlandi.

"Xadichai Kubro" ayol-qizlar o'rta maxsus islom ta'lim muassasasi Yoshlar bilan ishlash, ma‘naviyat-ma‘rifat bo'limi.