“Xadichai Kubro” ayol-qizlar islom ta'lim muassasasi talabalari poytaxtimizdagi “16 shahar shifoxonasi”ning “Bolalar bo‘limi”da

 Joriy yilning 1 dekabr kuni “Xadichai Kubro” ayol-qizlar islom ta'lim muassasasi  “Yoshlar bilan ishlash, ma'naviyat va ma'rifat bo’limi” boshlig’i G.Maxamedova boshchiligida muassasa talabalarining BMT tashkiloti tomonidan e’lon qilingan “10 dekabr – Xalqaro inson huquqlari kuni” munosabat bilan Toshkent shahri, Chilonzor tumani 16 sonli  shahar shifoxonasi “Bolalar bo‘limi” tashrifi amalga oshirildi.

Ushbu sana butun dunyo boʻylab keng nishonlanadi va bundan asosiy maqsad irqi, jinsi, tili, dini, siyosiy qarashlari, mol-mulki, tabaqasi yoki boshqa holatidan qat’i nazar har bir insonning yashash huquqi, so‘z va e’tiqod erkinligi, tinchlikka bo‘lgan huquqlarini qoʻllab-quvvatlashdan iboratdir. Ta’lim muassasasinig muallima, xodim va talabalari tomonidan to'plangan ehson hamda hadiyalari bilan shifoxonaning  “Bolalar bo‘limi”dagi  Neyroxirurgiya, Travmatologiya, Pediatriya bo‘limida davolanayotgan bemor bolalar va ularning yaqinlari holidan xabar olinib, ko'ngillarini ko'tardilar.

  Zero, bu haqda Payg‘ambarimiz sallallohu alayhi vasallam shunday deganlar: “Musulmonning musulmon ustidagi haqqi beshta: salomga alik olish, bemorni ko‘rgani borish, janozada qatnashish, chaqirilgan joyga borish, aksirgan kishiga (“Yarhamukallohu...”, deb) javob aytish” (Imom Buxoriy,  va Imom Muslim rivoyati). Ushbu hadisi sharifdan ham ko‘rinib turibdiki, biz mo‘min-musulmonlarning bir-birimizdagi haq-huquqlarimizdan biri – kasal bo‘lgan bemorlarni ziyorat qilishlik ekan. 

Talabalar bemorlar ziyoratdan ko'plab ibratlar, kerakli xulosalar olib qaytdilar. 

“Yoshlar bilan ishlash, ma'naviyat va ma'rifat bo’limi” boshlig’i G.Maxamedova