Qurʼoni Karim tilovati...

​Allohning kitobini yod olishdan soʻng shu narsani bildimki, Qurʼon bilan hamsuhbatlik to jannatga yetguncha davom etadigan suhbat ekan.
Qurʼonning oʻziga xos ruhoniy muhiti bor ekan. U shunday nur ekanki, aslo soʻnmas ekan. Barakasi esa bardavom ekan...

Qatoda roziyallohu anhu:
„Kimki Qurʼon bilan hamsuhbat boʻlib, bahramand boʻlar ekan, undan yoki ziyodalik va foyda bilan yoki aksincha, nuqson-kamchilik bilan forigʻ boʻladi“, dedilar va quyidagi oyatni tilovat qildilar:
„Biz Qurʼonni moʻminlar uchun shifo va rahmat oʻlaroq nozil qilurmiz. U zolimlarga ziyondan boshqani ziyoda qilmas“

(Isro surasi, 82 oyat).

*Uyda bardavom Qurʼon oyatlarini tinglab yurish biz uchun olti foydani tortiq qiladi:
1. Sakinat va xotirjamlik yuzaga keladi.
2. Shaytonlar haydaladi,  quviladi.
3. Janjal –kelishmovchiliklar kamayadi.
4. Bolaning tili ravonlashadi, yaxshilashadi.
5. Yodlash va eslab qolish osonlashadi.
6.Inson tafakkuri rivojlanadi..

*Nafs zaiflashsa, Qurʼon bilan kuchlantiring..Nafs kuchayib ketsa, Qurʼon bilan mahkam qiling... Nafs mahzun boʻlsa, Qurʼon bilan tasalli bering...
Qurʼonning butun borligʻi rahmatdir!

*Allohning muhabbatini qoʻlga kiritishdagi eng ulkan nafl ibodat ham bu– Qurʼoni Karim tilovatidir. Ayniqsa tafakkur qilib oʻqilganda!

*Yer yuzida Allohning jannatlarini izlaganlar uchun Qurʼon jannatdir...
*Qur'on bu - hayot, nur, hidoyat, shifo va ruhdir ...

Manbalar asosida 1-kurs talabasi M.Akramnazarova tayyorladi