Ilm o‘ganishning fazli

 

Alloh taolo dedi: 

يَرۡفَعِ ٱللَّهُ ٱلَّذِينَ ءَامَنُواْ مِنكُمۡ وَٱلَّذِينَ أُوتُواْ ٱلۡعِلۡمَ دَرَجَٰتٖۚ 

«Alloh sizlardan iymon keltirgan va ilm ato etilgan zotlarni (baland) daraja-martabalarga. koʻtarur», (Mujodala: 11). 

 إِنَّمَا يَخۡشَى ٱللَّهَ مِنۡ عِبَادِهِ ٱلۡعُلَمَٰٓؤُاْۗ 

«Allohdan bandalari orasidagi olim-bilimdonlargina qoʻrqur», (Fotir: 28). 

وَقُل رَّبِّ زِدۡنِي عِلۡمٗا

(Ey Muhammad alayhis-salotu vas-salom): «Parvardigorim, ilmimni yanada ziyoda qilgin», deb ayting», (Toha: 114). 

☘Rasululloh sollallohu alayhi vasallam aytdilar: 

«Alloh kimga yaxshilikni iroda qilsa, uni dinda faqih, (dinni teran tushunadigan) qilib qoʻyadi». 
(Buxoriy va Muslim rivoyati) 

☘«Kim ilm oʻrganish yoʻlida yursa, Alloh unga jannat yoʻlini yengil qilib qoʻyadi. Darhaqiqat, farishtalar rozi boʻlgan hollarida tolibi ilm uchun qanotlarini yozib turadilar. Tolibi ilm uchun osmonlaru yer orasidagi narsalar va hatto dengizdagi baliqlar ham istigʻfor aytadi. Tolibi ilmning obidga nisbatan afzalligi, xuddi oyning boshqa sayyoralardan afzalligi kabidir. Albatta olimlar paygʻambarlarning merosxoʻrlaridir. Paygʻambarlar diynor ham, dirham ham meros qoldirmadilar, balki ular ilmni meros qoldirdilar. Bas, kim uni (oʻziga meros qilib) olsa, ulugʻ nasibani olibdi». 
(Ibn Moja rivoyati, Alboniy sahih degan) 

☘«Inson vafot etsa, uning (barcha) amallari uziladi, faqat uchta amalidan (savob yetib turishi uzilmaydi): 
Sadaqayi joriya, foydali ilm va haqqiga duo qilib turadigan solih farzand».
(Muslim rivoyati)

🌼Zero,Ilm - vaqtlarni sarflashga eng loyiq va umrlarni baxsh etishga eng arzigulik ishdir....


Akramnazarova Madina