"XADICHAI KUBRO” AYOL-QIZLAR O‘RTA MAXSUS ISLOM TA’LIM MUASSASASIDA KITOB TAQDIMOTI

“Xadichai Kubro” ayol-qizlar o‘rta maxsus islom ta’lim muassasasida Imom Buxoriy nomidagi Toshkent islom instituti Hadis va islom tarixi fanlari kafedrasi katta o‘qituvchisi ustoz Abdulazim domla Ziyouddinning Siyrat faniga oid kitoblari taqdimoti bo‘lib o‘tdi. 

Joriy yilning 7-fevral kuni Oliy ma’had talabalariga Siyrat fanidan dars berish bilan bir qatorda kitobxonlar uchun Nabiy sollallohu alayhi vasallamning siyratlariga oid ko‘plab asarlar yozib, taqdim qilib kelayotgan ustoz Abdulazim domla Ziyouddinning Siyrat faniga oid kitoblari taqdimoti bo‘lib o‘tdi. 

Taqdimot Qur’oni karim tilovati bilan boshlanib, muassasa mudirasi N.Ibragimova tomonidan ochib berildi. Shundan so‘ng ta’lim muassasasi hadis fani o‘qituvchisi hamda muassasa tomonidan qarib bir yil davomida olib borilayotgan “Siyrat” loyihasi muharriri Joziba Jamol qizi so‘zga chiqib, “Nurul yaqiyn” asri dunyo musulmonlari qatori bizning ham muhabbatimizni qozongani, asar bugungi kun talablari asosida arabchadan ona tilimizga Abdulazim domla Ziyouddin tomonidan lug‘aviy-adabiy va ilmiy-akademik uslubda o‘girilganligi, tarjima bejizga “akademik” deb atalmagani hamda bunga sabab etib, kitobni tarjima qilish barobarida katta tadqiqot ishlari amalga oshirilgani ya’ni har bir ma’lumot moʻtabar manbalar “elagidan” o‘tkazilgani deb keltirilgani, kerak o‘rinlarga sharh berilgani, qo‘shimcha qo‘shilgani, izoh yozilgani, manbalar ilova qilingani haqida aytib o‘tdi. 

Talaba qizlar taqdimotdan juda ko‘p ma’lumotlar oldilar.

“Yoshlar bilan ishlash, ma’naviyat va 
ma’rifat bo‘limi” boshlig‘i G.Maxamedova