09.02.2023
424

O'limni eslashning fazilati.

Rosululloh sollallohu alayhu vasallam dedilar:"Lazzatlarni mag'lub etadigan narsalarni ko'p zikr qilinglar"
(Abu Hurayradan Termiziy, Nasoiy, Ibn Moja rivoyati).
Shunda, shahvatlarga bo'lgan maylingiz so'nadi, Olloh Taologa yaqin bo'lasiz.
Rosululloh sollallohu alayhu vasallam dedilar:"Agar hayvonlar ham odam farzandlari darajasida o'limni anglaganlarida edi, ularning semizini yemagan bo'lar edinglar"
(Bayhaqiy rivoyati).
Oisha roziyallohu anho Payg'ambarimizdan so'radilar:
-Ey Rosululloh, mahsharda shahidlar bilan birga tiriladigan kishi ham bo'ladimi?
-Ha, "Bir kecha-kunduzda o'limni yigirma mahal yod etgan banda shahidlar bilan birga tiriladi" dedilar.
Rosululloh sollallohu alayhu vasallam dedilar: "O'lim mo'minga tuhfadir" (Abdulloh ibn Umardan Ibn Abu Dunyo, Tabaroniy, va Hokim rivoyati).
  Darhaqiqat, dunyo mo'minning zindoni. Mo'min kishi bu zindonda nafs shafqatsizliklaridan ozor ko'radi, shahvatlar yuki ostida shayton hujumlaridan aziyat chekadi.O'lim uni o'sha azoblardan ozod etadi. Bu ozodlik esa, mo'min uchun tuhfadir. 
Payg'ambar sollallohu alayhup vasallam dedilar:"O'lim nasihatlanishga kifoyadir".
(Tabaroniy va Bayhaqiy rivoyati).
Rosululloh sollallohu alayhu vasallam masjidga chiqayotib, suhbatlashib, kulishib o'tirgan odamlarni ko'rib dedilar: "O'limni eslanglar! Jonim qo'lida bo'lgan Zotga qasamki, agar mening bilganlarimni bilganlaringizda, kamroq kulib ko'proq yig'lagan bo'lar edingiz".
Rosululloh sollallohu alayhu vasallam huzurlarida bir kishini eslashib, uni rosa maqtashdi. Shunda Payg'ambar alayhissalom: Do'stingiz O'limni ham eslab turarmidi? -deb so'radilar.
-O'limni eslaganini hech eshitmadik, -deyishdi.
-Demak do'stingiz sizlar aytganday emas ekan,- dedilar.
   Allaqachon o'limga hozirlik ko'rish fursati etganini,dunyoning esa naqadar aldamchi ekanligini teran anglay boshlaganingizda, endi o'limni nomigagina, til uchida eslab, ibrat va ogohlik hosil qilib bo'lmasligini yaxshi bilasiz. Demak, qachonki, qalb dunyo bilan ovuna boshlasa, o'sha zahoti o'limni eslang, aslingizga qaytasiz.

Ismatullaeva Odinaxon

Другие новости

MUSULMONLARNING BOSHQA DIN VAKILLARIGA BO'LGAN MUNOSABATLARI
01.05.2025 7
Qur’oni karimda ham hadislarda ham boshqa din vakillariga qanday munosabat qilish lozimligi haqida ko’plab ko’rsatmalar kelgan. Islom dini tinchlik dini bo’lganligi uchun har qachon insonlar o’rtasida totuvlikni ta’minlashga uringan. Tarixdan...
Подробнее
XXI ASRDA MOTURIDIYLIK TA’LIMOTINING AHAMIYATI
28.04.2025 10
Abu Mansur Muhammad ibn Muhammad al-Hanafiy as-Samarqandiy al-Moturidiy Islom dinining nazariy (usul ad-din), fiqh asoslari va manbalarini o‘rganadigan (ilm usul al-fiqh) sohasi bo‘yicha hanafiylik mazhabining yirik faqihi (qonunshunosi), kalom ilmida...
Подробнее
IMOM MOTURIDIY VA UNING IZDOSHLARI ILMIY MEROSINING ISLOM ILMLARI RIVOJIDAGI O‘RNI
21.04.2025 15
Islom millati uchun eng tahlikali bir paytda musulmonlarning aqiydasini mardonavor himoya qilgan, musulmonlar ommasi aqiydasining to‘g‘ri yo‘lda, Qur’oni Karim, nabiy sollallohu alayhi vasallamning sunnatlari, ahli sunna val jamoa yo‘lida sobitqadam...
Подробнее
Мы в соц сетях

Наши контакты

Телефон: +998 (71) 248-47-52
E-mail: xadichai-kubro@umail.uz
Адрес: Toshkent shahar, Olmazor tumani, Fayziobod ko'chasi, 1-uy
©2025 All Rights Reserved. This template is made with by Cherry