Kiroman katibiyn va oʻlim farishtalariga iymon keltirish bayoni

Alloh taolo har bir insonga ikki farishtani: oʼng tarafdan bittasini, chap tarafdan bittasini biriktirib qo'yganiga iymon keltiramiz. Ikki farishta insonning yaxshilik va yomonliklarini yozib boradi. Va yana boshqa ikki farishta esa insonni turli hodisalardan, balo- ofatlardan, halokatlardan muhofaza qilib turadi.

Alloh taoloning quyidagi  oyatlari bunga dalildir:

وَإِنَّ عَلَيْكُمْ لَحَافِظِينَ 
Holbuki, ustingizdan kuzatib turuvchilar bordir.

كِرَامًا كَاتِبِينَ 
Hurmatli yozib turuvchilardir.

يَعْلَمُونَ مَا تَفْعَلُونَ 
Nima qilayotganingizni biladiganlardir.

("Infitor" surasi 10-12- oyatlar)

إِنَّ رُسُلَنَا يَكْتُبُونَ مَا تَمْكُرُونَ
Albatta elchilarimiz qilayotgan makrlaringizni yozib turadiar.

("Yunus" surasi 21- oyat)

لَهُ مُعَقِّبَاتٌ مِّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللَّهِ

Uning oldida ham ortida ham taqib qiluvchilar bor. Uni Allohning amr bilan muhofaza qilib tururlar.
("Raʼd" surasi 11- oyat)

Alloh taolo odamlarning ruhlarini olishga vakili qilgan o'lim farishtalariga iymon keltiramiz.

Alloh taoloning quyidagi oyatlari bunga dalildir:

قُلْ يَتَوَفَّاكُم مَّلَكُ الْمَوْتِ الَّذِي وُكِّلَ بِكُمْ ثُمَّ إِلَىٰ رَبِّكُمْ تُرْجَعُونَ

Sen: "Sizlarga vakil qilingan o'lim farishtasi joningizni oladir. Soʻngra Robbingizga qaytarilursiz",- deb ayt.
(" Sajda" surasi 11- oyat)

Jon olovchi farishta bitta bo'lmagani uchun boshqa oyatda Alloh taolo quyidagicha zikr qilgan.

الَّذِينَ تَتَوَفَّاهُمُ الْمَلَائِكَةُ
Farishtalar ularning jonlarini oladilar.
(" Nahl" surasi 28- oyat)

Tayyorladi: 3-kurs talabasi:
I. Nabijonova 

Mas'ul ustoz: S. Muxamedxodjayeva