Homilador bo‘lish va homiladorlikdan saqlanishning shar‘iy yechimi

Homilador bo‘lish va homiladorlikdan saqlanishning shar‘iy yechimi

Inson hayotida nikoh, oila va farzand Alloh taoloning buyuk ne’matlaridandir. Qur’oni karimda Alloh taolo shunday marhamat qiladi: “U sizlar uchun o‘zingizdan juftlar yaratdi, toki ular bilan osoyishtalik topasizlar. Sizlarning orangizga muhabbat va rahm-shafqat soldi.” (Rum surasi, 21-oyat). Ushbu oyat nikohning mohiyatini ochib beradi.

Payg‘ambarimiz Muhammad ﷺ: “Nikoh mening sunnatimdandir. Kim mening sunnatimdan yuz o‘girsa, mendan emas”, – deganlar (Imom al-Buxoriy rivoyati). Nikoh Alloh oldidagi mas’uliyatli ahddir.

Islomda farzand Allohning buyuk marhamati sanaladi. Payg‘ambarimiz ﷺ: “Farzandli bo‘linglar, chunki men Qiyomat kuni sizlarning ko‘pligingiz bilan faxrlanaman”, – deganlar.

Imom Muhammad Sodiq Muhammad Yusuf “Hadis va hayot” kitobida ta’kidlaganlaridek, farzand Allohning in’omidir.

Ba’zan sog‘liq yoki iqtisodiy sabablar tufayli farzand ko‘rishni kechiktirish zarur bo‘lishi mumkin. Shariat bunday holatni inobatga oladi.

Rasululloh ﷺ davrida sahobalar azl amaliyotini qo‘llaganlar. Jobir ibn Abdulloh (r.a.) rivoyatlarida bu bayon etilgan.

Imom G‘azzoliy “Ihyo ulumiddin” asarida zarurat bo‘lsa farzandni kechiktirish joizligini qayd etadilar.

Zamonaviy tibbiyotdagi vaqtinchalik homiladorlikdan saqlovchi vositalar shariatda niyat va zarariga qarab baholanadi.

Doimiy sterilizatsiya esa naslni butunlay to‘sishi sababli joiz emas.

“Sog‘lom bola” kitobida oila rejalashtirishning maqsadi — sog‘lom ota-ona, sog‘lom farzand va sog‘lom jamiyat ekanligi ta’kidlanadi.

Islom mo‘tadillik dini bo‘lib, zarurat holatida vaqtinchalik saqlanishga ruxsat beradi.

Xulosa qilib aytganda, homiladorlik va undan saqlanish masalasi niyat, zarurat va mas’uliyatga asoslanadi.

Foydalanilgan adabiyotlar:

Qur’oni karim (Rum surasi, 21-oyat);

Sahih al-Buxoriy, Sahih Muslim, Abu Dovud;

Muhammad Sodiq Muhammad Yusuf — Hadis va hayot (kitob);

Kifoya (3-juz);

Sog‘lom bola (Toshkent).

Tayyorladi: ta’lim muassasasi talabasi G.Isomiddinova
Mas’ul: ta’lim muassasasining fiqh fani o‘qituvchisi H.Zoyirova